فقيده القلب

البارت العاشر

.
دادة أحط عيوني بعيونه ويرّد حيلي

الكاتبه - بـٰنو | 𝐵𝑛𝑜 🧚🏿‍♀️💕 .

______________________________________

ترف:خلصت سفرتنه ورجعنه للبيت عمتي مفيسه اشلون ماخذنها ويانه بس اهتميت هسه احنه عرسان واعتبرنه شهر عـسـ͜ـلۦ لان ماكدرنه نروح اول مازوجنه حاطه نفسج بكلشي من رجعت صارت تشد وياي بكلشي بشغل وبمكياجي بملابسي بكلشي ادخل روحه من كد لضغط يلي صار تمرضت كلش انتهيت

رحت لدكتور يكول كلشي مابيج تحاليلج سليمات بس فقر دم انزين جسمي مابيه اشيله متكسر تكسر وكله نحلان ضليت اشرب فيتامين وماكو اي شي من سيئ لاسوء وامي اخذتني لسيد تشوف شبيه كال لسيد علاجها يم طبيب مو يمي ونصيحه لتاخذيها لساده يجذبون عليج وياخذون فلوس

رجعت لدكتور ماعرفو شنو علتي 3اشهر اني بلفراش فجاءه صرت زينه وحدي بدون دكتور وبدون شي اقل لشهر وصرت حامل ويافرحتي بهل حمل فرحانه بشكل جنوني بلطفل هذا حتى صحيت من مرضي ومصطفى هم طاير بلحمل كل اشويه يوصيني على نفسي ويوصي امه هيه من يوصيها مايعجبها لْـۆ اتكله شسالفه لازك لطفل خو مالزك واجه رمضان

عمتي سوت روحها مريضه ومرت حماي هم مسويه روحها كلش وعافت شغل عليه اكعد ب2صايمه وحامل واروح للمطبخ لحار اسوي فطور واخلص من لوجبه الرئيسيه اسوي حلويات ومقبلات وزلايط ومرت حماي كاعده على المسلسلات الرمضانيه من مسلسل لمسلسل ومن تسمع بشغل اتصير كلش مريضه وتعبانه ومابيها اتكوم اصلا سوي نفسها كلش

فاني من كد التعب مال فطور بس افطر ادخل للغرفه اُصًلًي وارتاح وعمتي من تشوف مصطفى اسوي نفسها هيه تشتغل واني كاعده نهار ڱڵـه

فبيوم طبخت مطبك سمج وسويت زلاطه وسويت كنافه وجاي احمس بلتمر ودخت كلش ماكدر حتى اوكف فسويت تمر اشلون ميصير ودخلت لغرفتي كلش تعبت لان مطبخ حار كلش صار الاذان طلعت اكلت اشويه ودخلت اصلي ومصطفى جان جاي يصلي

راساً انفتح لباب حيل وصاحت عمتي بصوت عالي مايصير هيج بتول هم حامل حالها حالج هيه تغسل لماعين وهيه تنضف لهول مايصير هيج اني ماتحملت عطت بنفس نبره مالتها كتله من 2اني بلمطبخ وجنتج تباوع مسلسلات اشو ماكتيلها حامل حالها حالج اوكفي وياهه وسويت فطور وغسلت لماعين مال طبخ كلهن ماشوفج حجيتي عليها واني مابيه حيل تعبت هيه خلت وطلعت مصطفى بقى صافن بوجهي وساكت ماحجه ولا كلمه ليل اتخربطت وماكمت سويت سحور وحتى اني ماتسحرت مصطفى جان نايم واني محتاره شسوي بهليل اخير شي جبرت نفسي انام وبلكوه نمت وره اذان لفجر بس شربت ماي ونويت وصليت ونمت يوم ثاني ابوي سمع بيه مريضه اجه اخذني لدكتور واروح لهلي

رحت لدكتور طلب مِڼـّي تحاليل سويت تحاليل ورجعت اله كالي لدكتور عندج هبوط بلسكر والضغط وفقر دم حاد دمج 4ونص وضعف عام بجسمج وكال تحتاج اكل صحي وراحه لاتعبين نفسج نهايا لان انتي حامل اذا تعبتي ودمج وضعف بجسمج هيج لْـۆ اتفقدين لطفل لْـۆ يصير تشوه لْـۆ مرض بلطفل اسم الله كلش خفت واهلي هم خافو عليه اتصلت ع مصطفى يلي خبلني كاعده يم دكتور وكساع يتصل رد ابسرعه كتله ع حجي دكتور بلحرف لواحد وامي اخذت مني جهاز كالت راح اخذها لبيتنه ماعرف شنو حجه وياهه بس عرفته قبل رحت للبيت شمس واخواني فرحانين بلحمل اكثر مني ويخافون عليه