فقيده القلب

البارت 43

طبعا اول شي آحـبُ اعتذر منكم لان امس مانزل لبارت لان اشوي مريضه وانكسر واهسي من وره لمسابقه بس هذا كله مو مهم لان حصلت على شهاده

وانشالله راح اعوضكم بالايام الجايه وانزل بين يوم ويوم بارت طوله 3500كلمه لحد يكول هيج لبارت قصير لان والله مالحك اكتب اكثر من هيج واذا يوم مانزلت حسبو حسابكم لبارت الوره يصير 5000لو 6000كلمه حتى اكون معوضتكم يلا نبلش بلبارت اهواي سولفنه
................................................................

خلص صبري وجمالك حيل ..شدني....
ومثل خيط الوبر خداه ...شدني . ..
يگلي ادني لحد شفتاي ...شدني....
شدني من الذنوب طنون بيه....

الكاتبه - بـٰنو | 𝐵𝑛𝑜 🧚🏿‍♀️💕 .
...........................................................
شهد :لج فهميني لا تبجين احجي عدل

فاطمه :شكول الج لج مصيبه وكعت على راسي اني جبتها لنفسي ....والله اني جبتها لنفسي غبيه غبيه

شهد :لج احجي اشبيج

اتصلت ترف بهاي الاثناء رفضته ورجعت لفاطمه بعدها تشهك

فاطمه :وين رحتي

شهد :ترف اتصلت لمهم عوفج منها سولفي شكو

فاطمه :قبل 7اشهر كاعده اقره قران اجن رسال على جهازي ماهتميت كلش بعدين خلصت شفت حساب ابنيه بلانستا مراسلتني على لستوري اني ناشره ايه

قرانيه { أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِنْهُمْ فَاسِقُونَ }

كانت راده على لستوري هذا

💬شنو علاج قساوه القلب؟؟

تفاجئت من ردها بس رديت عليها

💬علاجه الاستغفار والقرب من الله لان قساوه القلب عقاب من الله

بقينه نتراسل هيج بقيت كل اشوي ارد عليها بايه قرانيه تدرين اني كلش متعمقه بلدين مستحيل اسوي شي غلط ضلت يوميه نتراسل الا ان تعرفنه هيه اسمها سحر من كركوك وعمرها 19صدكت بيها اي صدكت وثقيت بيها دزتلي صورها بعد فتره وبقت تتوسل تريد صوري رفضت بلبدايه بس ويه الاشهر دزيت الها 3صور بس والله 3صور ويوميه نتراسل صبح وعصر اني تعودت عليها صارت جزء من يومي اذا ماراسلها يعني ناقصني شي وهيه هم جانت دز صورتها واشاركها كلشي حتى مرات اتكولي شرحي الي هاي لمسئله لو علميني فد طبخه ماشكيت بيها ولج ماشكيت الا امس دزلي بصمه صوت