هلاوووو طبعا كلش كلش اسفه على الانقطاع بس جهازي جان عطلان وهسه رجعت الكم وراح التزم واريد اختم بسرعه لان الروايه صارت كلش طويله فراح اختصر اهواي احداث مو مهمه وادخل بلمفيد واكتب المهم فقط
سألتني: ما أمنيتُكَ؟ فظللتُ أُفكِر
كيف يسألُ المرء سؤالاً هو إجابتهُ؟
الكاتبه بنو
..........................................................
ترف :
مرت الايام فوك العاديه بس جان الشي لمضوجني هوا روحتي للمركز اتخرجت وصار شغلي بس بلمركز وصديق فقار باع سيارته وضليت بلضيم جان فقار يوديني هسه اخذ تكسي وكلش اضوج من لسواق وحركاتهم لمقرفه
فبيوم سوو سلفه بلمركز يعني بيناتنه بس مااطول يعني شهر وتخلص كل يومين واحد يستلم بس اهواي الدفع والاستلام يسوه جنه ندفع 300الف ونستلم 3ملايين فاني عندي فلوس مال شغلي ابوي مايقبل اصرف على نفسي وعلى ابني
واشتري من راتبي شي كلش بسيط ولباقي اضمه فطلعت الصندوق يلي ضامه بي فلوسي حسبتهن طلع بيهن مليون و500بقيت احسب اشكد يصير وياه سلفه يصيون اربعه ونص مايكفن اشتري سياره
فاتحت اهلي بموضوع السياره لحمدلله مارفضو بلعكس كالو احسن من التكاسي وابوي كال ينطيني مليونين واذا ماكفن هوا يجمل مالي علاقه
جنت فرحانه لان راح اشتري سياره قبل لااستلم السلفه باسبوع كاعدين اني وامي وشمس
دخل فقار ضايج كعد
اسرار :اشبيك يما
فقار :مابيه شي
اسرار :لعد اشبيك عاكد النونه
ماجاوبها باوع على شمس وحجه
فقار :شمس بلا خابري جواد شوفي وين
شمس :ليش شتريد منا
فقار :اريد سيارته اروح بيها بشغله جنت معتمد على سياره صديقي وهسه خابرني يكلي عاطله
شمس :هسه اشوفه اوكف
راحت اتصلت اشوي واجت
شمس :مو اهنا جواد رايح لصناعيه ويه اخو
فقار :اهووو اشلون سالفه
اسرار :شوف سياره ابوك
فقار :رايح بتكسي
اسرار :ولك ابوك نايم اخذ سيارته
فقار :يما اطول اني ماتعرفين ابوي اذا طولت يضل يصيح عليه ويسوي نفسه المحافظ وكلها متواعده ويه ولازم يروح اله
اسرار :انجب لاتحجي هيج على ابوك ادبسزز فوك ماينطيك سيارته
فقار :اي ليش انجب هوا غير كل مره اكله يابه راح اخذ سيارتك انطاني السويج اذا اتاخر ساعه يحرك الجهاز حرك بلا شنو اريد اطلع يلا تعال عندي موعد واريد اروح لفلان مكان وبيوم يلي ماروح بيها مشموره يم لباب لايوصل يمها ولا اله علاقه بيها بس من ياخذها فقار اتصير حلوه
