مجموعة مِن الأيام الكئيبة تتراكم فوق بعضها ولا أحد يعرف كيف ستنتهي و متى.؟
الكاتبه بنو
..........................................................................................................................
ترف :
اجيت فرحانه وصعدت فوك اركض كتله شوف ضل صافن
فهد: شنو هاي
ترف:ماعرفت
فهد:لا شكو
ترف:اني حامل
وعبالك انصعق من سمع هلخبر
فهد: اشلون صار هذا واني ماخذ احتياطي
ترف:يعني مفرحان
فهد:لا كتلج ماريد طفل افتهمي اخاف عليج اذا صار بيج شي مايفيدني الطفل تفتهمين لْـۆ لا واصلا ذيب مكفي وموفي منريد غيره وهسه اخابر دكتورج واشوفه حتى انزل الطفل
صرخت بصوت عالي
ترف :مستحيللل مانزله مو بكيفك فهد تحرمني من ابني اموت خلي اموت بس ابني لا حط ايده ع حلكي وكال اسم الله يومي قبل يومج.
فزيت من لنوم جسمي ڱڵـه يوجعني وصوت الاذان مالي لغرفه وفهد نايم وهوا حاضن ايدي سحبت ايدي منا ومديت رجلي على الارض حتى اكوم ماكدرت من رجلي بقيت كاعده وحاطه راسي على تاج الجربايه واسمع الاذان ودموعي صارت تنزل بهدوء وبدون صوت فكرت بلحلم شنو معناه شنو اني حامل شنو فهد ميريده سحبت جهازي وكبل سويت سيرج على تفسير الاحلام
طلع لتفسير معناه حامل هموم وفعلاً كنت مهمومه كلش عفت لجهاز وبقيت صافنه افكر شنو حيصير بيه بعد وشنو راح اشوف من فهد اكثر من يلي شفته وليش باقيه عنده لحد الان وعلاقتنا انهدمت تقريباً عفت كل هذا التفكير وصرت احاول اكوم محتاجه للحمام وهم اريد اتوضه حتى اصلي بس ماكدر اكوم
بعدين لزمت بلميز يلي يم لجربايه وكفت على رجل وحده لان رجلي لثانيه ماكدر اضغط عليها حاولت امشي على رجل وحده ماكدرت خليت ونزلت رجلي لثانيه حسيت بالم كلش قوي بس تجاهلته لان محتاجه لحمام وصرت امشي على كيف وكل خطوه احس ينفتح خيط ويزيد الوجع اكثر وصلت للحمام بعد معاناه دامت 15دقيقه
كملت من لحمام وتوضيت وطلعت نفس لحاله اتأذيت كلش الا كدرت البس احرام الصلاه وكعدت على الارض وصليت جلوس لان ماكدر ابقى واكفه من رجلي خلصت وبقيت ساجده اشكي همي لربي بهدوء وبدون صوت
وره نص ساعه تقريباً سمعت صوت حركه صارت يمي فزيت ابسرعه كمت شفت فهد واكف مسافه عني وصافن عليه جانت لغرفه ضلمه مايبين كلشي مسحت دموعي وسديت سجادتي واجيت اكوم ماكدرت اجه يركض شالني وحطاني على جربايه وحجه بهدوء
