ليّل وعيونَك بعيدة وديرة ما بيها أمان.🦋
الكاتبه - بـٰنو .
..........................................................................................................................
الترف :
قنعت فهد على اساس عندي اكياس لان صراحه استحي اكله اريد اسوي تضيق ومعرف شنو هسه شيكول عليه امي مجانت راضيه وموتتني كلساع تحجي عليه وتصيح بنات ٱڅڑ زمن والله يستر من هلبنات ٱڅڑ وكت ويبوي مافكت مني
يوم ثاني رحت للدكتوره حددنه موعد على يوم الثلاثاء يعني بعد يومين تسوي لعمليتن سوا لان اتكول مابيهن خطوره ولااطول كلها ساعه زمان جهزت نفسي للعمليه وبلكوه قنعت فهد مايجي لان يريد يجي دزلي فلوس بلمكتب راح سحبهن الي فقار
ورحت يوم ثلاثاء اني وامي لساعه ب7لصبح لكينه الدكتوره موجوده وداخله عمليه ربط مال حوامل خلصت ودخلت ثانيه هم حامل وهم ربط وخلصت ودخلت ثالثه وهم حامل اريد اعرف سراي يمته مادري
بعدها صاحو باسمي كمت خايفه ومتردده اشوي دخلت لغرفه الدكتوره استقبلتني بابتسمامتها سولفنه اشوي عود تسحب مني لخوف ولممرضه تحضر بلسديه والادوات
وحجينه اني وياهه بعد لعمليه لآزٍمٍ انام على ضهري لمدى اسبوع وبعدها عادي اكوم ماعليه شي بس اسبوعين ماشيل ثكل ولااتعب نفسي اهواي ولازم ادفي نفسي واهواي اشياء كالتلي
بعدها سلمتها لفلوس وقعت باعتبار سلمتها لمبلغ ولان لعمليه مو خطره حتى ماطلبت توقيع احد من اهلي رحت لبست ملابس عمليات ونمت على السديه اجت لممرضه شكلت الي الكانولا وحطت مغذي لان اتكول بس تخافين لو تتوترين يهبط لضغط
انوب كالت الي اكعد على سديه كعدت وكالت لآزٍمٍ امد ايدي ورجلي سويت مثل ماكالت اجت لدكتوره ضربتني ابره بضهري حسيت نفسي انشليت وندمت على هذا التهور صار عندي الم مو طبيعي بلعمود الفقري ولممرضه تمرخ بايدي ورجلي 5دقايق تقريبا الا حسيت بجسمي العلوي والسفلي بده يتخدر ماحس بي
نومتني للممرضه وجابت برده خلتها على بطني بعد كلشي ماشوف ولااحس ولاادري شجاي اتسوي واسمعها تحجي همس ويه للممريضه على ادوات حسيت بملل مو طبيعي ساعه كامله تشتغل خلصت شغل مسحت لدم الممرضه وشفت كلينس وشاش ذبتهم بلزباله كلهم دم وهذا لحجي ڱڵـه اني ماحس بشي
شالت كلشي ولدكتوره نزعت لجفوف وراحت غسلت ورجعت على لمكتب ولممرضه شالت ونضفت كلشي وحتى اني نزعتني ملابس لعمليه ولبستني ملابسي وبعدها بلسديه دفعتني بغرفه ثانيه داخل هاي لغرفه وجابتلي حبايه شربتني
وبقيت نايمه انتضر لبنج يروح من الجزء السفلي من جسمي تقريبا 15دقيقة الا رجعت احس واكو الم كلش خفيف اجت دكتوره جيكت كلشي وكومتني هيه مشتني اشوي شافتني اكدر امشي كله وصاحت على لممرضه اتجيب عربانه جابت عربانه وطلعتني للغير غرفه كومتني وهم نومتني على سديه اني عبالي بعد خلصت لآزٍمٍ ارجع للبيت
