طبعا كلش كلش اسفه لان صار جم يوم مجاي انزل بس ماجان عندي احداث والبطلات مشغولات
شغله ثانيه راح اعبر بالاحداث علمود اختم الروايه ماريدها توصل 60بارت لحد يكول مشيتي ابسرعه بالاحداث والاحداث لغير مهمه مراح اذكرها
- تغَار الشِمسّ حَيَّن تراكِ صُبحِاً
- و فيَّ لُغِة الهَوىّ عيناكِ فُصِحىّ☘🖤 .
الكاتبه - بـٰنو | 𝐵𝑛𝑜 🧚🏿♀️💕 .
............................................................
ترف :
رفعت راسي شفت ماهر اخو جواد اتقدم بتجاهي وهوا مبتسم
ماهر :هلا والله بترف اشلونج هلا بريم حبيبه عمها
راحت ريم سلمت عليه وحضنته
ترف :هلا بيك ماهر لحمدلله وانته
ماهر :عاش من شافج شخبارج الاهل اشلونهم
ترف :لحمدلله عايشين بنعمه
فهد :احمم
باوعت عليه عيونه عليه وعلى ماهر يريد يعرف منين يعرفني
ماهر :ها فهد
فهد :اي منين تعرفون بعض
ماهر :اخوي متزوج اختها ههه
فهد :ها نسابه يعني
ماهر :اي
ترف :يلا اني اترخص ماهر سلمنه على الاهل يلا ماما ريم امشي
بعدني مامشيه قطع طريقي ماهر واشوف فهد اعصابه تلفت
ماهر :ترحين وحدج ؟؟؟
ترف :اي شعلي
فهد :لااني اخذها
ماهر :لا مشكور فهد مايحتاج هسه اني اخذها ومناك اروح اشوف جواد
فهد :لا اهلهه مأمنيها يمي لآزٍمٍ اني واصلها
ماهر :شكرا ميحتاج
ترف :لامايحتاج ماهر هسه اخذ تكسي
ماهر :لاصدك جذب والله مو علمودج بس اريد اشوف جواد
استحيت افشله وريم راحت تركض لسياره عمها فهد يخزر بيه واني سلمت عليه وصعدت بسياره ماهر رغم ماجنت اريد اجي وياه سلم عليهم ماهر وصعد جاي يحرك بلسياره مااشوف الا اجه فهد
فهد :اكلك ترجع اهنا مو ؟؟
ماهر :اي غير ارجع للبيت
فهد :لعد اروح وياك اريد اشوف اخوك
ماهر :اي كل الهلا بيك
ضحكت بيني وبين نفسي ماينطي كلبه يعوفني ويه ماهر وحدنه صعد بسياره ومشينه على لبيت بقيت صافنه على شارع لحد ماوصلنه يم بيت شمس
