مِثـل ما كِال عريان السيد خلف :
كون كل عين اشتهت ملگَه الحَبيب الله ينطيها اعله نيتها حظن . •♥️
الكاتبه - بـٰنو | 𝐵𝑛𝑜 🧚🏿♀️💕 .
.............................................................
ترف :
بيت خال ابوي كلش لطيفين وحبابين نمت ويه زهراء بغرفتها ضلينه نتعرف لساعه ب1بعدها نمنه كعدت لصبح متكسره مامتعوده على نومه الكاع كمت للحمام همزين كبال لغرفه محد يشوفني سبحت على سريع وغسلت وجهي بغسول وفرشت وطلعت بدلت ملابسي ومشطت شعري ولبست حجاب وحطيت بس مرطب بشره ومرطب شفه لان اني بحاله حداد مااحط مكياج طلعت بره صبحت عليهم ابوي كاعد وخالته ساجده وام احمد وابو احمد واركان
ساجده :يا يمه وين رايحه من صباحيات الله
ترف :خاله رايحه للكليه
ساجده :خلخلو اعضامج كون ولج بيبتج اني ولك صافي بتك هاي مايعه كلش شسالفتها
صافي :هههه اشبيها خاله
ساجده :والله مدري اشلونها كلش مايعه من امس لليوم مو مثل ابنياتنه تعاي ولج تعرفين تخبزين
ترف :شنو بيبي راح تخطبيني
ساجده :احجي لا اكوملج تعرفين عجن خبز طبخ تنضيف
ترف :بس طبخ وتنضيف بس ماعرف لاعجن ولاخبز
ساجده :يا عزا العزاني اذا صدك
اركان :هههههههههه ولج ساجده عوفي لبنيه بحالها اشبيج وياهه
ساجده :انته انجب ليوم اعلمج كلشي هاي امج مبينه فاهيه مثلج ماتعرف تعلمج
ترف :ماريد اتعلم هاي لمخابز ضاله
ساجده :ولكم انطونيها خلي اعضها
صافي :ههههه خاله عوفيها وراهه دوام لاتضوجيها
ساجده :عشتو يخاف على مشاعرها لمايعه
صافي :شعندي غيرها
ساجده :اي بس عجبتيني لان ماخاله مكياج عفيه ببنيتي
ترف :لااني اخلي بس هسه اني بحداد على زميلي لهذا ماحاطه مكياج اشوفج مكياجي اصلا جان عندي صالون وانشالله بلمستقبل هم افتح صالون
ساجده :من شفتج غسلت ايدي منج
ترف :ههههه ليش بيبي
طلعت الها صوري بلمكياج وهيه شافتني وشافته ملابسي كله دلع مال بيت يمه شسوت بيه
ساجده :يما عزا لعزاني خايب صويفي اشتهرنه ولك اشتهرنه وانفضحنه وتخزينه
ترف :شكو بيبي
صافي :اشبيج خاله
اركان :بروح امج ساجده اريد اشوف شنو
ساجده :ولكم هاي لبنيه بربوك كضوها لا تكت
