يَجيران الگلب چا هيج هَية
تَعالوا فراگكُم بَين عَلية .𓆩♥️𓆪
الكاتبه - بـٰنو | 𝐵𝑛𝑜 🧚🏿♀️💕 .
_______________________________________
شمس:
زواجي من جواد هوا الصح لوحيد يلي بحياتي كلش يحبني ومدللني طلباتي اوامر بنسبه اله كلش احبه لان يحبني ويحترمني ويحب اهلي كلش وابدا ميعارض لو طلعنه بمكان واخذت تيم وياي جواد دللني لحد ماطلع عيني كلش
جنه متفقين منريد جهال الا من اتخرج بس وره شهر من زواجي صار وياي اشياء غريبه مثل لعبانه نفسي على طول مااشتهي الاكل دايخه ونعسانه طول لنهار ومالي خلك لشي حتى الاهلي ماروح مثل قبل يوميه اني يمهم جواد من شافني هيج
كالي نروح لسيبه نغير جو حتى تتغير نفسيتي طلبت منه اخذ تيم ابدا ماعارض هلشي بلعكس فرح لان كلش يحب تيم حاجيت امي ورحنه الطريق طويل تعبت كلش نفسي تلعب دايخه صار عندي غثيان مليت من طريق
وصلنه لبستان كرايب جواد نزلنه ورحنالهم استقبلونه خوش استقبال ومتلهفين لجواد يحبونه طلعو بيت خالته دخلت جوا ويه لبنات وجواد راح لديوان مالتهم
ماشالله لبنات يخبلن 4بنات وكلهم شكرات وعيونهم ملونه اني ابنيه وانعجبت بيهن 3جانن كلش حبابات بس وحده مدري اشبيها حتى سلامها ثكيل
كعدت اشويه ودخل جواد ويه ولد خالته مدنكين ولا وفعو راسهم لان اني كاعده اجتمعنه كلنه على سفره وحده جواد يجيب ويخلي يمي هوا وخالته شافني مااكل شاورني
جواد :حبيبي اشبيج الاكل ماعجبج
شمس :لاكلبي مابي شي بس نفسي مسدوده
جواد :لخاطري اكلي
شمس :تمام
اباوع على بت خالته جانت تباوع علينه عبالك تريد تعرف شجنه نحجي رجعت شاورته اني
شمس :بت خالتك اشبيها صافنه علينه ولحسين ماعرف اكل هيج
جواد :ماكو شي حبيبتي يجوز مو قصدها او شي
راساً كامت ونكتت ايدها من الاكل وصاحت بصوت عالي لحمدلله وراحت ابسرعه بقينه صافنين عليها كملت الاكل وكمت اغسل دلتني خالته على مغاسل رحت حتى اغسل لكيتها كاعده بلكاع وتبجي اني كلش انقهرت عليها اشبيها من اجيت مدري اشبيها رحت يمها رغم مو عوايدي ادخل بلعالم
شمس :اشبيج حبيبتي منو وياج منو مضوجج حرام هاي لعيون لحلوه تبجي
باوعتلي وبجت ماحجت اي شي
شمس :مراح اتكولين اشبيج ومنو وياج
ماحاجتني كامت تريد تطلع انوب رجعت غسلت وجها ومستحه بردن الدشداشه واجت باستني وطلعت بقيت صافنه هاي اشبيها غسلت ورحت
اريد انام لان تعبانه ونعسانه احس نفسي طلبت من خالته انام خطيه كامت بنفسها فرشتلي فراش حاجيت جواد حتى يدير باله على تيم ورحت نمت مااعرف انام بلكاع متعوده على جربايه 5دقايق احاول وكدرت انام ساعتين وكعدت مستحيه هسه شنو يكولون عليه جايه تنام طلعت واعتذرت رغم هما عادي عدهم وضلت تحجي عليه خالته لان اعتذرت سئلت جواد وين كالت خالته بلحديقه روحي شوفي كمت ورجعت الها مااندل كالت من هذا لباب هيه لحديقه جانت جاي تروي لعجين تريد تخبز
