انت بعيون المحطة الناس التسافر واهلها
وانت بعيون الشواطي الناس التغني بحزنها،
وانت بعيوني حبيبي انت اعيوني واملها ♥️
الكاتبه - بـٰنو | 𝐵𝑛𝑜 🧚🏿♀️💕 .
--------------------------------------------------------
شهد :
بعد روحه ترف وجهي صار فاهي هيه اختي لجابتها الي الايام وهيه بير اسراري وهيه مثل لحكيم يلي ينصحني بعد روحتها كلت راح انتهي حتى ماكو واهس الي بلدوام ولادراسه ولاشي صح فاطمه صديقتي بس مو مقربه عليه مثل ترف بس لمشكله اجه لعوض مكان ترف اي عثمان عوض مكان ترف غزله يلي ينسيني همي اهتمامه بيه عوضني عن فقدي لهتمام من طفولتي صار يشاركني يومي ويهتم بادق تفاصيلي رغم تفاهتها اكعد على رساله منا وانام وجهازي مفتوح اتصال وياه فاطمه عارضت هاي لعلاقه لان تخاف عليه بس لمشكله حبيت لا مو حبيت عشقت بفتره قصيره كلش
بيوم من الايام كعدت صبح شفت جهازي مطفي من وره الاتصالات عفته على شحن وكمت غسلت وفرشت وطلعت ملابسي اكويهن خلصت حطيت مكياج خفيف بعد ماتعرفت على عثمان صرت آحـبُ اهتم بنفسي كملت رحت فتحت جهازي واكيد رساله من عثمان
💬صباح الخير ، فيكِ يبتسم صباحي و تبتسم دنياي
ضحكت يضل يتغزل بيه من صبح ليل ولا يتعب رديت عليه
💬صباح النور عثمان
مارد عليه طلعت لابو علي ويه فاطمه حضرت محاضرتين سوه وبعدين طلعت اتريك كاعده بنادي راسلني عثمان
💬ها حياتي اشلونج
💬هلا بيك حبي زينه وانته
💬بخير
💬يمته ترجعين
💬بعد عندي محاضرتين وارجع
💬امم
💬اي
💬عادي تضربيهن
💬لاعثمان ماحب اسخت
💬ههههه بس ليوم
💬ليش
💬عازمج على لغده
💬لا ماكدر فاطمه تبقى ترزل بيه مالي خلكها
💬شعليج بيها
💬اشلون غير صديقتي
💬والله ماعرف شكولج بس اني وعدت رهف اخذها ليوم وحتى رجعت من شغل عود كلت اجي عليج ونروح سوه
💬وين؟!
💬اذا ترحين اكلج ماترحين ماكو ماكلج
💬اي كول وين
💬ترحين يعني
💬ههه اذا عرفت يمكن
💬طلعي اني جاي
💬مالي خلك والله حتى مامبدله ومعدله
💬بكل حالاتج كمر بعيوني جايج طلعي بره
