فقيده القلب

البارت 53

استاهل گليبك يَـبو عيون التحيرني.

الكاتبه - بـٰنو  .
...........................................................
ترف :

اندك لباب حيل ويه صوت عالي ماكدرت اميز لصوت وابوي راح يركض عباله صاير شي واخواني هم بقيت اني وامي وشمس وجهال سمعت صوت ٱڅڑ شخص اتوقعه يهتم لامري

مصطفى :عميييي مو بكيفك تزوجها ولعباس ابو فاضل انهي عليها واخليها يمك

صافي :اكللللل تبن شعندك جاي اصلا وينهي عليها اشوف زلمه يجي وينهي وللله انعل ابوك لابو لثول لنطاكم مره روح يلا امشي اطلع من بيتي

مصطفى :عمي اني ابن اخوك وهيه احق الي من لغريب واني اريدها وهيه ام ابني

صافي :ولك لو يصيغوك ذهب هم مَآتشُوٌفْ اضفر رجل بتي مو ازوجها الك ويلا امشي بره

مصطفى :عمي انطيني فرصه بس اني احبها ولحسين احبها ولصار مو بيدي اريد اصلح كلشي

صافي :شوف مصيطف اطلع هسه دام النفس راضيه عليك لان اذا عصبت راح تشوف شي ماشايفه بحياتك

مصطفى :زين لاتزوجها خليها يمك واني مالي علاقه بيها

فقار :اي تدلل تريد بعد شي منا منا مصطفى اغا ؟؟

مصطفى :ماعندي حجي وياه زعاطيط جاي احجي وياه عمي

صافي :شوف ڵـڱ اني ماامشي بكيفك خوش ازوجها ماازوجها هلشي راجع الي مو الك وانته مالك دخل باي شي يخصها

مصطفى :بت عمي واريدها

جواد :رادتك جهنم انشالله

صافي :مصيطف روح منا بكرامتك احسلك يعني اشكد طردتك ماتحس وتولي

مصطفى :بس تزوجها اخذ ابني

صافي :ليش من يمته عندك ابن يمنه انته ؟؟

مصطفى :اني لعليه كلت الكم تزوج منا اخذ ابني منا

فقار :تريده هسه احضرلك غراضه ؟؟

صافي :شوف لككك ابن مالك يمنا صار عمره 5سنوات وانته لاسائل عليه ولاتعرفه ولاشي وهسه صار ابنك ماعندك ابن يمنه والطفل يبقى يمي وبتي ازوجها ازوجها ومو بكيفك امشي اني واريد اشوف زلمه ابن زلمه يجي بيوم لعقد ويخربه لْـۆ ينهي اقسم بالله اني اموتك بيدي ومايرفلي جفن وهسه اطلع بره اخير مره اكولها لان لمره ثانيه راح تشوف شي مايعجبك

مصطفى :مو بكيفكم تحرموني من ابني

صافي :اوكف لحظه تييييييم

من صاح عليه كلبي ضل يدك حيل وصار عندي الم قوي وخفت ياخذه خفت آخسّـٌـٌ ـٌر ابني علمود هلزواج لزمت ايده واشر براسي مايروح بس امي كالت خلي يروح عفت ايده عبالك عايفه روحي راح لابوي ويباوع على ابوه بنضرات ماعرف افسرهن