لأول مرة في عامها الثالث من الدراسة في كلية التربية ذهبت ضحى لتدريبها الأول بمدرسة حكومية صغيرة تحتوي الصفوف الابتدائية والمتوسطة
دلفت لهناك ببعضا من الخجل ولكنها استمدت الشجاعة من زميلتها رحيمة المتدربة من كلية الخدمة الإجتماعية
نظرت اليها ضحى تنهدت بتوتر ثم ابتسمت "جاهزة؟ "
ابتسمت رحيمة " ربنا يستر " ضحكت الفتاتان وذهبا لمدير المدرسة
" مساء الخير يا مستر راضي انا ضحى " قاطعها هو وتحدث
" مساء النور يا ضحى انا عارفك انتِ المتدربة الي جاية جديد وطبعا الي جمبك دي رحيمة من جامعة حلوان "
ابتسمت رحيمة " بالظبط يا مستر "
" اتفضلي يا ضحى ده جدول حصصك لصفوف ابتدائي..وانتِ يا رحيمة اتفضلي على الدور بتاع ابتدائي "
" تمام يا مستر عن اذنك " تحدثا معا وذهبت ضحى لغرفة التربية الموسيقية نظرت للأدوات الموسيقية بابتسامة واخذت نفسا عميق وجلست على الكرسي امام البيانو وبدأت في العزف
كان يمر اشرف معلم التربية الرياضية عندما استمع لعزفها الرائع على البيانو فدلف للداخل ونظر اليها
انتفضت ضحى ونظرت اليه بصدمة وتوقفت عن العزف
" انا اسف بجد مكنتش اقصد اخضك!..انا بس سمعت صوت البيانو فا كنت عايز اعرف مين الي بيعزف العزف الجميل ده! " تحدث بابتسامة
ابتسمت وهدأت قليلا " شكرا اوي لحضرتك "
" هو انتِ مين؟..جديدة معانا؟ " تحدث اشرف ونظر اليها بتساؤل
" اه انا ضحى متدربة من جامعة حلوان تربية موسيقية فرقة تالتة "
ابتسم واقترب ليصافحها " اهلا وسهلا نورتي يا ميس ضحى..انا اشرف مستر التربية الرياضية "
صافحته وابتسمت " اهلا وسهلا "
ثم نظرت للساعة فنظر هو أيضا
" اه عندك حصة..انا كمان عندي حصة عن اذنك اشوفك بعدين "
ابتسمت وذهب هو عندما جائت الاطفال من الصف الرابع الابتدائي ووقفوا ليحيوا معلمتهم
ابتسمت ونظرت اليهم بحب وحماس " صباح الخير يا بنات انا ميس ضحى ميس الموسيقى "
" صباح الخير يا ميس ضحى " تحدثوا بصوت جهوري
" يلا يا حبايبي اعدوا في مكانكوا..كل سنة وانتوا طيبين بمناسبة السنة الدراسية الجديدة "
" وحضرتك طيبة "
" انا بقى عايزاكوا تعتبروني صاحبتكوا تمام؟..مش هنزعل بعض خالص ومتخافوش مني خالص انا ميس حلوة وبحبكوا اوي " ابتسمت وتحدثت بلطف
" يعني ينفع ناكل في الحصة!؟ " تحدثت فتاة بدهشة
ضحكت " اكيد ينفع وانا قدكوا كنت ببقى جعانة بردو " ثم تابعت " بس مش دلوقتي..احنا عندنا حصتين الحصة دي هنغني مع بعض والحصة التانية وهتلعبوا وتاكلوا براحتكوا اتفقنا؟ "
