اصبحت ترى رؤية مشوشة ذهبت للمشفى ونقلت للعمليات وحينها فقط اغمضت عيناها
كانت تبكي نادية وهى تحمل أمير وتقبله
" ماما هتبقى كويسة يا حبيبي متقلقش " حاولت تهدأته عن الكباء حتى صمت اخيرا ولكنه مازال يذرف الدموع بهدوء ويريد والدته
بعد قليل خرج الطبيب من الغرفة ونظر اليهما
" الحمدلله اتكتبلها عمر جديد..السكينة ملمستش القلب بس كانت قريبة جدا منه وقدرنا نخرجها من غير مشاكل بس هى في العناية المركزة دلوقتي وهتقدر تخرج كمان يومين ولازم تاخد رعاية كاملة لغاية ما الجرح يلتأم "
" يعني هى كويسة دلوقتي يا دكتور؟ " تحدثت نادية وهى تبكي
" ايوا كويسة متقلقيش..عن اذنكوا "
" احمد هو الحيوان ده هيحصل فيه ايه!؟ "
" هياخد مؤبد ده اعتداء وشروع في القتل "
" انا كنت خايفة اوي الولد يبقى يتيم اب وأم كنت خايفة اوي بجد..يا حبيبتي يا ضحى " تحدثت وهى تضمه لصدرها
باليوم التالي نقلت لغرفة عادية فذهبت نادية لتطمأن عليها
" الف سلامة عليكي يا حبيبتي..ربنا كتبلك عمر جديد"
نظرت ضحى لأمير وامتلأت عيناها بالدموع فأعطته نادية لضحى
" وحشتني يا حبيبي " سقطت الدموع من عيناها وقبلت رأسه وضمته اليها
" الحمدلله يا حبيبتي انك كويسة..اديني رقم اخوكي اتصلك بيه "
" لا ملوش لزوم..اخويا مش عايزني اصلا..انا هعرف اخلي بالي من نفسي مش محتاجة حد "
" لا يا حبيبتي طب انا هعد معاكي اسبوع بس لغاية ما الجرح يخف ده كمان ايدك الشمال مجروحة فا مش هتقدري "
" لا يا نادية كتر خيرك عندي اليمين استعملها.. انا خلاص مش هبقى عالة على حد تاني " تحدثت بصرامة
" عالة ايه يا بنتي! " قاطعتها ضحى
" لو سمحتي يا نادية متضغطيش عليا "
تنهدت نادية " ماشي يا حبيبتي..انا هجيبلك آية بنت عمتي تاخد بالها من أمير زي ما اتفقنا تمام؟ "
" تمام..شكرا اوي يا نادية تعبتك يا حبيبتي "
" بس يا عبيطة انتِ "
وبالفعل ذهبت للمنزل ومعها جليسة الأطفال
" اتفضلي يا آية عايزاكي تعتبري البيت بيتك متتكسفيش وقوليلي يا ضحى "
ابتسمت " تمام يا ضحى " وحملت أمير من يدها
" انا هروح أرتاح شوية "
هزت آية رأسها وذهبت ضحى لتنام وبمجرد ان وضعت رأسها على الوسادة ذهبت الى عالم آخر ظلت نائمة اليوم بأكمله لأول مرة تشعر بذلك الأمان منذ فترة ليست بقصيرة
