نظرت اليه بصدمة "لا! "
" لا!؟ " تحدث بذهول وانفطر قلبه
" انا محدش بيستحملني انا تعبت واتكسرت كتير ومش ناوية اتكسر تاني انا لو اتكسرت تاني هموت او على الأقل يجيلي شلل نصفي انا رجلي مبقتش تشيلني من الحزن والقهرة وانا عندي واحد وعشرين سنة وقربت اتخرج وانا لسة في عز شبابي! "
" يعني يا ضحى سايبة حبيبك اول حد حبيتيه الي كان بيدافع عنك طول عمره الي بيحبك وبيموت فيكي ويتمنالك الرضى ترضي متوافقيش عليه! "
" انا خايفة تتخلى عني " تحدثت وهى تبكي
" يا ضحى انا بحبك! " كان يتحدث من اعماق قلبه وهو يعني كل كلمة
نظرت اليه بتوتر فتحدث هو " خدي وقتك انا مش هغصبك على حاجة ابدا..بس اعرفي اني هكون في ضهرك على طول "
جلست خالتها تقضم اظافرها بغضب وحدثت نفسها
" كل شوية تنط علينا بفضيحة شكل!..البت دي لازم تبعد عننا انا اتبريت منها خلي اخوها يشيل شيلتها احنا مالنا بقى هو انا كنت امها!! " ثم تابعت " جابتلنا العار الله يعرها انا استحملتها كتير بس بجد كدة اوڤر! "
ذهب اليها ماهر وامسك بيدها
" ماما عايز افاتحك في موضوع "
" خير "
" انا عايز اتجوز ضحى..انا لما صدقت انها هتطلق انا كنت بدعي ربنا كل يوم تسيبه وربنا استجاب يعني هى نصيبي"
" ولد!!..فوق لنفسك!..البت دي سمعتها بقت في الأرض وانت واحد ليك اسمك وسمعتك دلوقتي وهتضر لو اتجوزتها!..فوق كدة الحب مش كل حاجة وبعدين انت تشيل شيلة كبيرة زي دي ليه هتستحمل الكلام عليها؟..دي الحارة كلها ملهاش سيرة غيرها..ولا هتربي ابنها الي هو مش ابنك.. اديك شوفت الراجل خانها عشان مش مهتمة بيه ومهتمة بأبنها وبس وحقه هو مش غلطان "
" انتِ بتقولي ايه يا ماما!..معقول دي امي!! "
" انا استحملتها كتير بس كدة الموضوع بقى فوق طاقتي!!" تحدثت بانفعال
" بس لاتسمع يا ماما! " تحدث بحدة
" ما تسمع ولا تتنيل يمكن يبقى عندها دم "
كانت تستمع ضحى بالفعل وامتلأت عيناها بالدموع ووضعت يدها على فمها لتحاول كتم صوت بكاءها وذهبت بسرعة وحملت طفلها وذهبت لمنزل والدها جلست وحيدة
" عندها حق انا بقيت تقيلة على الكل..حتى اخويا اما صدق اتجوز ومسألش فيا انا بقيت عالة على الكل يارب ارحمني والطف بيا وبأبني الي ملهوش ذنب في الي بيحصل"
" ضحى " دلف ماهر للغرفة ولكن لم يجدها
" ضحى انتِ فين؟ " بحث عنها في أرجاء المنزل بأكمله ولكنه لم يجدها
" ينهار اسود يبقى اكيد سمعت!! " امسك بالهاتف وهاتفها ولكن الرقم مغلق فهاتف أيمن
" ايوا يا ماهر عامل ايه "
