عمارة الفنانين

part 1

دي تاني رواية ليا بعد ربع دستة مجانين و لتاني مرة برده هوضح
شخصيات روايتي مش ملائكة بيغلطوا عادي يعني مش معنى انهم بيحاولوا ينفذوا تعاليم دينهم انهم مش هيعملوا أخطاء لأ هيعملوا أخطاء و هيبقى لهم بعض التصرفات فيها أخطاء و زي ما بقول دايما إننا ناخد الجانب الصحيح من الشخصيات
و أنا معظم شخصيات رواياتي بتبقى طباعها من الحياة الواقعية شخصيات شوفتهم و تعاملت معاهم مش لازم البطل يبقى شرير بيعذب البطلة الملاك اللي مش بتغلط مل واحد فيهم له عيوب و له مميزات و أنا في الأول والآخر يهمني إنكم تستفيدوا من المميزات و تتجنبوا العيوب

__________________________

في أحد المصالح الحكومية

كان المدير يمر على المكاتب كالمعتاد لكن فجأة سمع صوت عالي يصدر من أحد المكاتب فاتجه ليرى ماذا يحدث ففتح باب المكتب ليتفاجأ بشدة

فكان المكتب مقلوب رأسا على عقب و هناك فتاة تقف أمام أحد المكاتب و يبدو عليها الغضب الشديد

بينما بقية الفتيات يقفن بجوار بعضهن في صف واحد و يبدو على وجوههن الخوف الشديد

الفتاة بصوت عالي : بقى يا جزمة منك ليها أغيب خمس دقايق و أرجع ألاقي نفسي متقلبة أنا أنا يا معفنة منك ليها

ثم فجأة قامت بقلب المكتب لتقع جميع الملفات و الأوراق على الأرض

نظرت الفتاة لهن بغضب شديد ثم تحدثت

الفتاة : قسما بالله العلي العظيم لو مطلعتيش انتى و هي باللي اخدتيه لأربطكم واحدة واحدة في المكتب ولا يهمني مدير و لا نيلة ثم اتجهت إليهن
و أمسكت احداهن من لياقة البلوزة

الفتاة بغضب : اطلعي بيه يا بت يا مسهوكة انتي

هايدي بخوف : و الله ما اخدت حاجة

فامسكت بالثانية و هي نجوى

الفتاة : و انتي يا اللي جاية تقمعي بامية طول اليوم اطلعي بيه يلا

نجوى : و أنا هاخده ليه يعني هو أنا حرامية

اتجهت الفتاة إلى الثالثة و هي منى

الفتاة : هااااه قولي الحجة بتاعتك

منى بخوف : أنا و الله كنت بره و لسه جاية

الفتاة : يعني مش عايزين تنطقوا يبقي جنيتوا على نفسكم بسم الله الرحمن الرحيم

لعن المدير نفسه فمن غيرها ستسبب تلك الضجة

المدير : انتي بتعملي ايه ؟

نظرت الفتاة له و كذلك البقية

نجوى بخوف : تعالى بسرعة يا سيادة المدير

منى : أرجوك ابعدها عننا

هايدي : أرجوك خلصنا من ايديها

المدير : انتى إيه اللى عملتيه ده ؟