عمارة الفنانين

part 20

عن عقبة بن عامر، قال : قال رسول الله صلى الله عليه وسلم : " لا تكرهوا البنات، فإنهن المؤنسات الغاليات "

فصلوا على من وصفنا بالمؤنسات الغاليات

__________________________________________

بعتذر يا بنات بس حقيقي أنا مش هعرف أنشر أي بارت جديد غير يوم الخميس القادم بإذن الله لأن أنا طول الأسبوع الجاي ده عندي امتحانات عملي كل يوم و إن شاء الله البارت هيكون طويل و هنرجع ٣ فصول في الاسبوع تاني بعد الأسبوع ده ادعوا لنا بالتوفيق و النجاح

__________________________________________

في صباح يوم جديد و به الكثير اتجه الجميع إلى عمله

عند ميريام

وصلت ميريام إلى بيت هاني لتجده يجلس في الحديقة يراجع بعض الملفات

ميريام : صباح الخير يا باشمهندس

هاني بابتسامة : صباح النور

ميريام بدهشة : إيه ده أنت عندك أسنان ده أنا افتكرت إنك مش بتضحك علشان اطرم و لا حاجة

هاني : هو انتى مينفعش تكملي جملة من غير ما تتريقي

ميريام بضحك : معلش أصل أول مرة أشوفك بتضحك يا راجل ده أنا كنت حاسة إنك عايز تموتني

هاني : أنا آسف على الطريقة اللي اتعاملت معاكي بها بس أنا فعلا كنت في حالة نفسية وحشة

ميريام : مش بقيت أفضل

هاني : أيوه و شكرا لأنكِ قولتي على حكاية الشغل دي حقيقي فرقت معايا جدا شكرا يا ميريام

ميريام : مفيش داعي للشكر و بعدين أنا عندي لك مفاجأة حلوة أوى

تحدث مجدي الذي جاء :  من يوم ما جيتي البيت و كل حاجة حلوة جت معاكي

ميريام : ميرسي يا ميجو

هاني : ده انتى اخدتي على بابا أوي

مجدي : تاخد أنا موافق

ميريام : طارت الجبهة هههههه أنا لا أراها

هاني : طفلة

ميريام : و ماله على العموم الخبر الحلو بيقول إنك كده بقيت زي الفل و تقاريرك بتقول كده بس أنت عايز شوية تمارين بسيطة و تقدر ترجع تمشي تاني لأن الضرر اللي كان في الفقرات خلاص خف

مجدي بفرحة : بجد يا بنتي

ميريام : أكيد يا عمي

هاني : أنا مش مصدق

ميريام : علشان تعرف إن حالتك بسيطة بس أنت اللي كنت معقدها كلها شهر بالكتير و ترجع تمشي تاني

مجدي : انتى ملاك يا ميريام شكرا يا بنتي

ميريام : حضرتك زي بابا فمفيش داعي للشكر و بعدين مش معنى كده نهمل بقى لأ لسه قدامنا شوية تعب كمان أول أسبوع هيبقى تعب لأن أنت هتقوم من على الكرسي و تحاول تمشي فلازم تستحمل تمام