عمارة الفنانين

part 18

- فعرفت أنه قد مات ، فخرجت أبحث عن مكان أجلس
فيه أبكي فيه وحدي

سيدنا عمر بن الخطاب يوم وفاة الرسول صلى الله عليه وسلم

- صلوا على الحبيب المصطفى صلى الله عليه وسلم

___________________________________________

في الصباح

اتجه الجميع إلي عمله من أجل الحصول على إجازة
فغدا الحنة

اتجهت نسمة إلى عملها مع سارة و قد طلبت إذن عمها اسماعيل للحصول على إجازة فوافق فهذا عرس أخيها و ابنه الغالي

و اخذ فريد وفرح و رانيا إجازة أسبوعين
و  كذلك بقية الفتيات بينما اتجهت مريم إلى عملها
لطلب إذن ذلك الشخص

_________________________________________

عند مريم

طرقت مريم باب المكتب فأذن لها بالدخول

أدهم : فيه حاجة ؟

مريم : أيوه أنا مش جاية الشغل بكرة و بعده

أدهم : و ده ليه إن شاء الله ؟

مريم : فرح

أدهم باندهاش : انتي هتتجوزي هو انتى مخطوبة ؟

مريم : ده فرح صاحباتي و أكتر من اخواتي

أدهم : يعني مش فرحك يبقى مفيش إجازة

مريم : ليه ؟

أدهم ببرود : كده

مريم : يبقى تمام أنا كمان مش هاجي الشغل

أدهم : لأ هتيجي

مريم : ليه هو غصب ؟

أدهم : المفروض إن ده تدريب و لازم تحترميه مش ده واجبكِ و دي مسؤوليتكِ

مريم : أنا عارفة واجبي و مسؤوليتي كويس أوي و أنا مش مقصرة فيهم بس كمان حضور الفرح ده كمان واجبي و مسؤوليتي

أدهم : ليه هو انتي العروسة ؟

مريم : لأ حضرتك بس هما أكتر من اخواتي و إحنا متعودين دايما نكون واحد و نقف جنب بعض و نساعد بعض إحنا في الحتة كلنا واحد ده اللي اتربينا عليه و أهلنا علموه لنا كل شباب الحتة أخوة و كل البنات أخوات أي ست كبيرة تبقى والدتي و جدتي و أي واحد كبير زي والدي أو جدي عمرنا ما سيبنا بعض في وقت شدة أو وقت فرح و إحنا دايما
نقتدي بقول الرسول صلى الله عليه وسلم
فعن عائشة ـ رضي الله عنها ـ قالت : قال رسول الله ـ صلى الله عليه وسلم ـ : ( ما زال جبريل يوصيني بالجار حتى ظننت أنه سيورثه )(البخاري) .

وعن عائشة رضي اللَّه عنها قَالَت: قُلْتُ: يَا رَسُول اللَّه، إِنَّ لِي جَارَيْنِ، فَإِلى أَيِّهما أُهْدِي؟ قَالَ: إِلَى أَقْربهمِا مِنْكِ بَابًا  (رواه البخاري )
- وعن عبدِاللَّه بن عمرو رضي اللَّه عنهما قَالَ: قَالَ رَسُولُ اللَّه ﷺ: خَيْرُ الأَصحاب عِنْدَ اللَّهِ تَعَالَى خَيْرُهُمْ لصاحِبِهِ، وخَيْرُ الجِيرَانِ عِنْدَ اللَّه تَعَالَى خيْرُهُمْ لجارِهِ رواه الترمذي وقال : حديثٌ حسنٌ.