محمد : لااااااا شرفي
عوض : شرف إيه يا أهبل
محمد : نسوان نسوان يا عوض
التفتت المرأة الموجودة بالغرفة لمحمد
محمد : إيه ده عمتي ازيك يا حوري
حورية : ازيك يا حبيب عمتك
محمد : الحمد لله يا قلبي بس إيه سر الضحكات العالية دي خير إن شاء الله
سمع محمد صوت من خلفه يقول : أنا السر
التفت محمد لمصدر الصوت ليجده يقف أمامه
محمد : عوض اقرصني
فقام عوض بقرصه بشدة في يده
محمد : ااااه بالراحة يا عوض بس هو أنت بجد
ثم اتجه بسرعة إليه و ارتمى في أحضانه
محمد : دوله حبيبي وحشتني أوي أوي
عادل : و أنت كمان يا مجنون وحشتني أوي الكل وحشني أوي مصر كلها وحشتني
التفت محمد يمين ويسار و كان يبحث عن شيء
عادل بتعجب : بتدور على إيه ؟
محمد : فين مراتك و أولادك ؟
عادل بدهشة : مرات و أولاد إيه ؟
محمد : هو أنت مش مسافر بقالك كام سنة أنا قولت إنك اتجوزت و خلفت و عقدتي خلاص اتفكت يلا قول قول أوعى تخاف ليك عليا اقنع عوض برده الظفر ميطلعش من لحمة مش هيرمي أحفاده يعني
عادل : أحفاد ايه أنت عايز تلبسني تهمة
محمد : يعني مفيش حاجة كده ولا كده
عادل : ولا أنت أهبل يلا يا عبيط علشان نصلي العشاء و بالمرة علشان نسلم على الشباب يلا
اتجه عادل و محمد و عوض إلى المسجد لصلاة العشاء و بعد الصلاة سلم عادل على الجميع و فرح الجميع بعودته كثيرا فهو محبوب من الجميع
شريف : جيت في وقتك و الله يا عادل بدل ما نبهدل عبدالرحمن معانا أنت موجود أهو
عادل : بس إيه اللي عمل فيك كده ؟
شريف : تخليص ذنوب ده ذنب البنات اللي غدرت بيهم و خاصة الاكس أكيد هي اللي دعت عليا
أحمد : إكس و بنات هو أنت عمرك عرفت قطة حتى
شريف : أنا ده أنا خاربها دول كانوا في الجامعة بينادوني بساحر النساء
فريد : ولا ولا ده اللقب بتاعي مش أنا فريد شوقي
شريف : لمؤاخذة يا فنان
فريد : و لا يهمك أنت برده من الجمهور و أهم حاجة عندي جمهوري و المعجبين بتوعي
عادل : لسه عبط زي ما انتوا
أحمد : ده العادي يا ابني
أكرم : عايزين بقى نرجع أيام زمان و نتجمع سوا هههههه خلاص يا أحمد الكبير رجع علشان تبقى تتنطط علينا و تقول أنا الكبير
أنت تقرأ
عمارة الفنانين
Humorماذا سوف يحدث إذا قرر الآباء والأمهات عمل مزحة في أولادهم و هي مزحة في أسمائهم هل ستكون مزحة لطيفة أم سيعاني الأولاد منها رواية كوميدية إجتماعية بالعامية المصرية
