طيب يا جماعة إحنا هنعمل صيانة و دي مهندسة الصيانة
احم عفوا
بصوا بقى يا قمرات مواعيد الأسبوع ده و الأسبوع الجاي هتبقى ملخبطة شوية البارت هينزل إن شاء الله و كل حاجة بس ممكن المواعيد تختلف علشان عندي ميد الاسبوع ده و اللي بعده ادعولنا بالتساهيل
______________________________________
نبدأ بسم الله الرحمن الرحيم
صلوا على الحبيب المصطفى صلى الله عليه وسلم
____________________________________
اتجهت هنا و ميريام كل منهما إلى عملها
وصلت هنا إلى قصر زين و صعدت إلى غرفة أميمة
هنا : صباح الفل يا ذات الشعر الأحمر
أميمة : صباح الفل على عيونك
هنا : النهاردة هنبدأ بجد جاهز يا جميل
أميمة : جاهزة بإذن الله بس فين الممرضات ؟
هنا : تحت قولت أطلع لوحدي و لو احتجنا ليهم ابقى أنادي عليهم المهم فين الأدوية
أشارت أميمة إلى الأدوية فاتجهت هنا حيث أشارت و ألقت نظرة على الأدوية
هنا بصدمة : يا ساتر يا رب يا ساتر يا رب
أميمة بخضة : فيه ايه يا هنا ؟
هنا : مين اللي واصف الأدوية دي ؟
أميمة : دكتور بيتر دكتور أمريكي
هنا : الدكتور ده مش متخرج من كلية الطب
أميمة : اومال متخرج منين ؟
هنا : متخرج من معهد عبده باشا زائد إن مفيش باشا اسمه عبده
ضحكت أميمة عليها كثيرا
أميمة : أنا افتكرت في حاجة مهمة انتى دايما دمك خفيف كده بجد مشوفتش زيك أبدا
هنا : طبعا أنا مفيش مني بس أنا بتكلم جد الأدوية دي ممكن تبقى مفيدة بس لها آثار جانبية كتيرة
علشان كده هنوقف الأدوية دي خالص ثم ألقت الأدوية و تحدثت
هنا : سيبك من الأدوية خالص انتى أكلتي
أميمة : شربت شاي بالنعناع أنا مش بفطر لا أنا و لا زين إحنا متعودين على كده
هنا : متعودين ده أنا و اختي بنفطر بتاع خمس تسع مرات دي ماما ناقص تقفل المطبخ بالقفل مننا
المهم أنا نازلة اعملك شوربة حلوة أوي مع أكل كده يرم العضم مش شاي انتوا ايه مش بتجوعوا
أميمة : طيب قولي هتعملي ايه و الطباخة تعمله
هنا : لأ أنا هعمل بنفسي محسوبتك الشيف الشربيني في نفسي أنا أصلا كان طموحي سياحة و فنادق يلا يا مزة هوا و راجعة
أنت تقرأ
عمارة الفنانين
Humorماذا سوف يحدث إذا قرر الآباء والأمهات عمل مزحة في أولادهم و هي مزحة في أسمائهم هل ستكون مزحة لطيفة أم سيعاني الأولاد منها رواية كوميدية إجتماعية بالعامية المصرية
