كثيرا ما نفقد الأمل كثيرا ما نشعر أن لا أحد يحبنا
نشعر أن كل شئ في حياتنا قد انتهى و نشعر أن حياتنا لا معنى لها نشعر أننا مجرد ألعاب مجرد ورقة
تحركها الرياح بلا شخصية أو هدف و لكن هل يجب أن نستسلم ؟
لا و اقسم بك ربي إن الدنيا مهما تضيق سأظل أدعو سأظل اتقرب إليك سأظل صابرة لن تقل ثقتي بك
لن يضعف إيماني لن استسلم أبدا و سأثبت للذين حاولوا كسري أنني مازلت حية مازلت اتنفس مازلت
أحاول حتى أنجح فلست تلك الضعيفة التي يكسرها أحد و لست ممن ينهون حياتهم و يجرموا في حق انفسهم لا فإن ضاقت الدنيا فسأجعل لنفسي طريقا
لا يضيق و إن حاولت الظروف كسري فسأجعل منها
أهداف لنجاحي فلست تلك الضعيفة______________________________________
عادت رباب إلى البيت لتسمع صوت عالي يصدر من غرفة جدتها فاتجهت لترى ماذا يحدث
دخلت رباب الغرفة لتفتح فمها بدهشة حيث كانت جدتها ترتدي ترينج رياضي و تتابع إحدي البرامج الرياضية و هي تضع ماسك على وجهها
رباب : فايزة إيه اللى عاملاه في نفسك ده ؟
فايزة : قولتلك ألف مرو قولي زوزه انتى بلدي موت
رباب : ماشي يا زوزه إيه اللى عاملاه ده ؟
فايزة : عاملة ايه ؟
رباب : لابسة الترينج بتاعي و حاطة من الماسك بتاعي حرام عليكي ده أنا لسه شاريه الترينج ملحقتش ألبسه مرة حتى و بعدين انتى واقفة تتنططي كده ليه؟
فايزة : دي رياضة يا جاهلة علشان جسمي يفضل رشيق و رياضي
رباب : طيب و إيه الحركات اللي بتعمليها في وشك دي شلل ده و لا إيه ؟
فايزة : يخربيت الجهل ده مساج للوش علشان التجاعيد إيه مش لازم أحافظ على شبابي
رباب : شباب هو الشباب اليومين دول بيبدأ بعد سن تمانين سنة جرا ايه يا تيتة
فايزة : تيتة في عينك قليلة الأدب ده أنا أصغر منكِ و لا انتى غيرانة من جمالي و حلاوتي يا بايرة المهم جبتي الكابتشينو معاكي
رباب : أيوه اتفضلي
فايزة : اتفضل إيه روحي اعمليه يلا و حضري سلطة فواكه علشان العشاء بتاعي أصل أنا عاملة دايت
رباب : دايت و سلطة فواكه ايه الله يرحمك يا جدي
فايزة : الله يجحمه كان راجل فقر مش كفاية اتجوز عليا الواطي بعد خدمتي فيه
رباب : اتجوز عليكي امتى بقى
فايزة : من خمس سنين
رباب : ليه كان زهق من الموت قام قال لما أروح اتجوز و افرفش شوية جدي ميت من تلاتين سنة
فايزة : جتك تلاتين عفريت ينططوكي يعني أنا كدابة ده لسه كان معايا امبارح و حاول يصالحني
أنت تقرأ
عمارة الفنانين
فكاهةماذا سوف يحدث إذا قرر الآباء والأمهات عمل مزحة في أولادهم و هي مزحة في أسمائهم هل ستكون مزحة لطيفة أم سيعاني الأولاد منها رواية كوميدية إجتماعية بالعامية المصرية