صلوا على الحبيب المصطفى صلى الله عليه وسلم 💚
_____________________________
و جاء الصباح ليحمل معه الكثير والكثير
اتجهت هدى إلى عملها في شركة آدم لتلتقي بمحبوبتها
هدى بدهشة : جنة مش ممكن
جنة : دودو ازيك يا مزة إيه اخبارك
هدى : الحمد لله بخير ليكي وحشة جامدة أوي
جنة بغرور : طبعا طبعا أصل أنا مميزة
نادرة : فعلا انتى مميزة جدا
جنة : مين منقرضة وحشتيني أوي
نادرة : و انتي كمان يا قلبي
جنة : اخبار جايدا إيه ؟
نادرة : الحمد لله بخير
جنة : يارب دايما بس أنا شايفة تغيير جميل كده
نادرة : بجد حلو
جنة: قمر بركاتك يا شيخة هدى انتى و الشيخة نسمة و باقي العصابة
نادرة : انتى تعرفيهم ؟
جنة : طبعا و هل يخفى القمر
هدى: ميرسي ميرسي بس بجد فرحت إنك رجعتي
جنة : عاد لينتقم هههههه
دخل آدم إلى المكتب فوجد الثلاثة
آدم : السلام عليكم ورحمه الله وبركاته
الثلاثة : و عليكم السلام ورحمه الله وبركاته
آدم : جنة عايزك
جنة : باشمهندسة جنة لو سمحت
ضحكت هدى و نادرة على ما قالت
آدم : ماشي يا باشمهندسة اتفضلي عايزك
جنة : طيب اتفضل و أنا جاية وراك
ذهب آدم و نظرت جنة لهما و تحدثت
جنة : أطير أنا بقى لقرة عيني و لينا كلام يا مزز
هدى : أكيد يا نانا
ذهبت جنة إلى مكتب آدم بينما اتجهت نادرة و هدى
إلى عملهما لإنهاء التصميمات ليرن هاتف هدى و تسمع نادرة النغمة
نادرة : الله حلوة اوي
هدى : عاجبتك
نادرة : اه أوي بس مين ده ؟
هدى : ده الشيخ مشاري العفاسي و دي رائعة من الروائع بتاعته هل لك سر عند الله
نادرة : بس جميلة أوي و من غير موسيقى
هدى : دي أناشيد إسلامية و من غير أي موسيقى و جميلة جدا و هادية
نادرة : فعلا ممكن تبعتيها
هدى : أكيد طبعا افتحي و أنا ابعتها على السنة الزرقاء يلا و لا ما الاخبار
نادرة باستغراب : السنة الزرقاء و ما الاخبار إيه ده ؟
أنت تقرأ
عمارة الفنانين
Humorماذا سوف يحدث إذا قرر الآباء والأمهات عمل مزحة في أولادهم و هي مزحة في أسمائهم هل ستكون مزحة لطيفة أم سيعاني الأولاد منها رواية كوميدية إجتماعية بالعامية المصرية
