عَنْ سعْدِ بنِ أَبي وقَّاصٍ قَالَ: جاءَ أَعْرَابي إِلى رسُولِ اللَّه ﷺ فقالَ: علِّمْني كَلامًا أَقُولُهُ. قالَ: قُل لاَ إله إلاَّ اللَّه وحدَهُ لا شرِيكَ لهُ، اللَّه أَكْبَرُ كَبِيرًا، والحمْدُ للَّهِ كَثيرًا، وسُبْحانَ اللَّه ربِّ العالمِينَ، وَلاَ حوْل وَلا قُوَّةَ إلاَّ باللَّهِ العَزيز الحكيمِ، قَالَ: فَهؤلاء لِرَبِّي، فَما لِي؟ قَالَ: قُل: اللَّهُمَّ اغْفِرْ لِي وارْحمني. واهْدِني، وارْزُقْني رواه مسلم.
صلوا على الحبيب المصطفى صلى الله عليه وسلم
___________________________________________
في منزل أحمد
جلس الجميع لتناول العشاء معا
هدى : إلا قولي يا رموزه
رمزي : مرة واحدة بس قولي بابا
هدى : فيه ايه يا رموزه ده أنا بدلعك
رمزي : طيب قولي عايزة إيه ؟
هدى : يعني أنت اخترت إسم أحمد و بقى أحمد رمزي و محدش اعترض اخترت شريف و قولنا ماشي لكن أنا هدى لييييه
رمزي : و إيه المشكلة في هدى ؟
هدى : طبعا فى مشكلة أنت كده لعبت في الانساب
رمزي : أنساب إيه ؟
هدى : مش الفنانة هدى رمزي تبقى عمة شريف رمزي يبقى أنا كده عمة شريف و لا أخته و كمان أنا أصغر
منه ينفع كده فين هيبتي و بعدين حتى عمي شوقي الله يرحمه اختار اسم فريد و قولنا ماشي لكن ليه
يختار إسم مركب لرانيا يعني هي كدة رانيا فريد شوقي طيب هي بنت أخوها و لا أخته ليه اللخبطة دي يا حاج بس و لا فرح يا قلبي بفرح زينب دي يا حاج ده إحنا بنشوف تنمر بسبب الاسماء دي فظيع ده لسه دكتور مريم اتريق عليها و قالها فين يوسف فخر الدين ليه تعملوا فينا كده
رمزي : مالها يا أختي اساميكوا دي أسامي جميلة حتى احمدي ربنا إن اسمك مكنش بخاطرها و لا ست أبوها و لا مشرفة
أحمد: و الله عندك حق يا دودو النهاردة كان العميد المنقول جديد بيتعرف علينا فقولنا أنا و محمد
أسامينا أحمد رمزي و محمد عوض قام قال فاضل حسن يوسف و تعملوا فيلم آخر شقاوة
نوال بضحك : معلش بقى يا حبايبي أصل أبوكم حب يسمي أحمد فأنا سميت شريف و هدى و قولت لازم أعلي عليه هههههه هههههه
شريف : و لا يهمك يا ست الكل انتي تعلي عليه و إحنا نبقى تريقة عادي عادي فداكي
بعد العشاء
اتجه أحمد إلى غرفته و تسطح على السرير ليتذكر صورتها من جديد فيستغفر الله و يحاول أن يشغل نفسه بأي شئ فقد ظن أنه بعد أن مر عام على رؤيتها يكون قد نسى و لكن بمجرد أن رآها بالأمس في عرس آدم ظل يفكر بها من جديد
( قولتلكم إن قصة أحمد هنعرضها هنا أيوة أحمد اللي ساعد عبدالرحمن علشان ينقذوا جنة)
دخلت هدى إلى غرفة أخيها لتجده شارد في شئ
أنت تقرأ
عمارة الفنانين
Humorماذا سوف يحدث إذا قرر الآباء والأمهات عمل مزحة في أولادهم و هي مزحة في أسمائهم هل ستكون مزحة لطيفة أم سيعاني الأولاد منها رواية كوميدية إجتماعية بالعامية المصرية
