عمارة الفنانين

part 28

- صلوا على الحبيب المصطفى صلى الله عليه وسلم 💚

___________________________________________

السلام عليكم ورحمه الله وبركاته ده أولا

ثانيا البارت اتأخر لسببين لأنه طويل و فيه أحداث كتير و لأني مريضة و حقيقي تعبانة و مكنتش هنزله

ثالثا : البارت القادم هيكون يوم الخميس القادم بإذن الله لأنى فعلاً تعبانة و عندي امتحانات و حقيقي مش قادرة

_________________________________________

رهف بصدمة : بابا !؟

سعيد : ازيك يا رهف ؟

أيمن : خير يا سعيد بيه جاي عايز ايه تاني مش كفاية كل اللي عملته فينا جاي تدمر مين تاني

سعيد : معاك حق يا أيمن أنا إنسان حقير أنا دمرت بنتي الوحيدة بايدي بس عقاب ربنا خلاني أفوق

أيمن : عقاب ربنا !؟

سعيد : أيوه يا أيمن أنا ظلمت أختك كتير أوي و ظلمت رهف و ربنا عاقبني على كل اللي عملته مراتي اللي عملت كل ده علشانها أخدت كل حاجة و هربت و رفعت قضية خلع و كسبتها بعد ما أخدت كل ثروتي لأ و اتجوزت مين أعز أصدقائي و أنا اترميت في المستشفى من سنتين كان عندي جلطة و لما خرجت دورت على رهف و عليك كتير علشان اعتذر لكم عن كل حاجة عملتها سامحيني يا بنتي مع إن اللي زيي مش ممكن حد يسامحه أنا أذيتك كتير أوى يا رهف دمرت طفولتك و شبابك أنا جيت اترجاكي تسامحيني على اللي عملته أرجوكي يا بنتي سامحيني

رهف ببكاء : اسامحك على إيه على إنك كنت بتضرب أمي قدامي و تهين فيها و لا على إنك رمتني لواحد شمام و بعدها لواحد أد أبويا و ياريت علشان الفلوس لأ أنت مكنتش محتاج فلوس أصلا لأ و بعدها ترفض تخليني عندك في البيت و تطردني ليه كل ده أنا كنت عملت فيك إيه حرام عليك يا يا بابا

سعيد ببكاء : أنا عارف إني مستحقش السماح بس انتي قلبك كبير أرجوكي اديني فرصة أصلح اللي عملته أرجوكي يا بنتي فرصة واحدة بس

أيمن : تصلح إيه تصلح رميها في الشارع و لولا واحد غريب اخدها المصحة هنا تصلح إنها كانت مشلولة و حالتها النفسية متدمرة خالص تصلح إيه بالظبط

سعيد : أي حاجة تعملها و تقولها لك حق أنا استاهل أكتر من كده أنا مش ممكن أكون أب الأب يضحي و يحمي أولاده مش يبيعهم و يتخلى عنهم أنا هسيبك تفكري في كلامي يا بنتي و لعل يوم تقدري تسامحيني ثم ذهب

أيمن : رهف يا حبيبتي انتى كويسة؟

رهف : هنا انتى اللي عرفتيه مكاني؟

هنا : أيوه

رهف : ليه يا هنا ليه تعملي كده؟

هنا : لأنه متدمر يا رهف هو ظلمك و ربنا رد حقك و انتقم منه بس هو في الأول و الآخر أبوكي و كل إنسان يستحق فرصة تانية شوفي حتى ربنا بيقول ايه في كتابه الكريم