عمارة الفنانين

part 30 الأخير

السلام عليكم ورحمه الله وبركاته أيوه يا بنات ده الفصل الأخير و ممكن ناس تقول ربع دستة مجانين كانت أطول بس لأ ربع دستة مجانين كانت فصولها أكتر لأن الفصول كانت أقصر و بعدين قصص الشخصيات كانت خلاص تكاد تكون استقرت و انتهت اتمنى تكون الرواية نالت اعجابكم و اتمنى الفصل يعجبكم و أنا عايزة بس أقول حاجة مهمة و هي إن مش شرط حياتنا تكون رواية
يعني مش لازم كل واحدة تبقى منتظرة فارس أحلامها اللي شكله كذا و كان معقد و بارد و هي هتغيره الحياة مش رواية و أنا بكتب الرواية دي و كتبت اللي قبلها و أي رواية هكتبها بعدها للإستفادة لكم و ليا أنا لما بحط أي معلومة في روايتي ببقى بحثت عنها و قرأتها في أكتر من مكان علشان افيدكم و أنا كده كمان بستفيد و بتمنى تاخدوا الجانب اللي يفيدكم و بتمنى أي بنت تقرأ روايتي تحافظ على نفسها و تغير على نفسها أيوه تغير على نفسها لأنها غالية يعني لما بتظهري شعرك و لا لما بتلبسي ضيق أو بتكلمي شاب انتى كده بتقللي قيمتك لأنك غالية و جوهرة و الجوهرة لازم نحفظها كويس لحد ما يجي اللي يستاهل الجوهرة و يقدرها و أنا اختكم و حقيقي يهمني مصلحتكم و ربنا يحفظنا جميعا و يحفظ بنات المسلمين معلش لو طولت و اترككم مع الفصل اللي اتمنى ينال اعجبكم و اتمنى تشجعوني و تابعوني لأن فعلا أي كومنت أو تصويت أو متابعة بيرفع معنوياتي جدا و بيشجعني اكتب و أتمنى تتابعوني

___________________________________________

اتجهت لجين إليه بسرعة ثم ضمته بشدة
لجين : وحشتني أوى يا عمو كل دي غيبة

عماد : و انتى كمان يا قلب عمو بس إيه القمر ده خمار و لبس واسع بركاتك يا أكرم

أكرم : الحمدلله على سلامة حضرتك

عماد : الله يسلمك يا ابني اخباركم ايه ؟

لجين : الحمد لله كلنا بخير بس أنا زعلانة منك أوى كده برده متتصلش بيا غير مرتين طول المدة دي

عماد : معلش يا حبيبتي مكنش فيه وقت خالص و بعدين أنا كنت مطمن عليكي و انتى مع أكرم

لجين : ماشي بس اعمل حسابك إنك هتفضل معايا طول اليوم و أنا هعملك الأكل بنفسي أنا هروح اعمله و أنت يا أكرم هاته على البيت علشان في كلام كتير عايزة اقوله لك و أنت كمان تحكيلي عملت ايه

عماد : هتطبخي بجد ؟!

لجين : طبعا أنا بقيت توب شيف خالص لما تدوق أكلي هتحكم بنفسك

عماد : ماشي أدوق و أحكم

لجين : ماشي أروح أنا ثم ذهبت

أكرم : حضرتك عامل ايه دلوقتي لما كلمتني و قولت إن العملية نجحت أنا كنت هطير من الفرحة الحمد لله إن حضرتك رجعت بالسلامة

عماد : الحمد لله كانت معجزة أنا كنت بقول خلاص دي النهاية بس قدرة ربنا فوق كل شيء و أنا مش عارف أقولك إيه يا ابني بس حقيقي شكرا