صلوا على الحبيب المصطفى صلى الله عليه وسلم
جَهَلَت عيونُ الناسِ ما في داخلي
فوجدتُ ربّي بالفؤادِ بصيرا
يا أيّها الحزنُ المسافرُ في دمي
دعني , فقلبي لن يكون أسيرا
ربّي معي , فمَنْ الذي أخشى إذن
مادام ربّي يُحسِنُ التدبيرا
وهو الذي قد قال في قرآنه
وكفى بربّك هاديًا ونصيرا
# الإمام على بن أبي طالب
_____________________________
عاد سامح إلى البيت بعد يوم طويل في العمل و دخل المنزل ليجد ابنته في انتظاره
جومانا : لسه بدري يا سعادة البيه لسه فاكر إن لك بيت و زوجة و أولاد طيب كويس و الله
نظر سامح لها بدهشة ثم تحدث
سامح : حبيبتي هو انتى ليه تتعبي نفسك و تقومي بدور ماما كفاية دور البنت اللي نفسي اشوفه فين بابا حبيبي وحشتني كده يعني
جومانا : فيه ايه يا سامح هو أنا لازم ابقى زي البنات التافهة علشان اعجبك
سامح : تافهة علشان بتقولي بابا
جومانا : خلاص خلاص سيبك من الموضوع ده خلينا في المهم بقى
سامح : اللي هو إيه ؟
جومانا : المزة بتاعتك متضايقة جوه و شكلها ممكن تقلب غم ألحق بقى لطف الجو
سامح : و أنت يا وحش عملت ايه؟
جومانا : هديتها شوية بس إيه لسه بركان برده
سامح : طيب أنا داخل لو اتأخرت عن خمس دقايق روحي نادي خالك أكرم و خالك حسن و خالتك دي المهمة هي اللي بتعرف تتصرف
جومانا : أكيد يا برنس يلا ادخل لقضاك
سامح : أشهد أن لا إله إلا الله ثم دخل
في الغرفة
كانت سعاد تجلس على السرير و تهز قدمها بعصبية
سامح بمزاح : سندريلا الشاشة وحشتيني يا قلبي
نظرت له سعاد نظرة اخافته بشدة
سامح بخوف : فيه حاجة يا حبيبتي
نهضت سعاد بغضب ثم اتجهت إليه وتحدثت
سعاد : سامح طلقني
فتح سامح فمه بدهشة ثم تحدث : ليه يا حبيبتي
سعاد : ليه يعني مش لأ يا حبيبتي هو أنا أقدر استغنى عنك ده انتي مراتي و حب عمري و أم بنتي أنا عارفة كده صح أنت مش بتحبني
سامح : يا حبيبتي إيه اللى بتقوليه ده أكيد بحبك
سعاد : طيب اثبت
سامح : إزاي ؟
سعاد : قولي شعر بس يكون تأليفك أنت
سامح : يا حبيبتي أنا محامي مش شاعر
أنت تقرأ
عمارة الفنانين
Humorماذا سوف يحدث إذا قرر الآباء والأمهات عمل مزحة في أولادهم و هي مزحة في أسمائهم هل ستكون مزحة لطيفة أم سيعاني الأولاد منها رواية كوميدية إجتماعية بالعامية المصرية
