صلوا على الحبيب المصطفى صلى الله عليه وسلم 💚
_____________________________
كانت تركض بسرعة لتلحق المحاضرة و هي تستغفر و تدعو الله ألا يكون الدكتور قد وصل
دخلت بسرعة إلى المدرج و حمدت الله أن الدكتور لم يأت بعد فاتجهت لتجلس بجوار صديقتها
منال : إيه يا بنتى كل ده تأخير
هي : اه اسكتي يا منال ده أنا اتبهدلت في المواصلات
ثم بدأت تقص عليها ما حدث ولم تنتبه للدكتور الذي دخل إلى المدرج
الدكتور : انتي
هي : أنا ؟
الدكتور : أيوه انتي عمالة تتكلمي في المحاضرة
هي : لأ حضرتك المحاضرة لسه هتبدأ حضرت لسه داخل و لسه هتبدأ
الدكتور : انتي كمان بتردي عليا انتي اسمك ايه
هي : مريم
الدكتور : اسمك كامل
هي : احم مريم فخر الدين عبد العزيز
ضحك الدكتور بشدة : هههههه مريم فخر الدين معانا هنا في المدرج طيب مفيش كمان يوسف فخر الدين
مريم بسخرية : في بس في بيتنا ابقى فكرني المرة الجاية و أنا أبقى اجيبه معايا
الدكتور : انتى بتتريقي
مريم ببرود : لأ حضرتك قولت مفيش يوسف و أنا قولتلك في بيتنا أخويا يعني
الدكتور : أخوكي يبقي يوسف فخر الدين هههههههه
بدأ الطلاب بالضحك أيضا مع الدكتور
مريم بجدية : معتقدش إن أنا قولت نكتة و ياريت كل واحد يسكت أحسن اعتقد إننا في محاضرة و ممنوع الكلام و الضحك مش كده برده يا دكتور
كانت تقول هذا الكلام و هي تنظر للدكتور بسخرية
نظر لها الدكتور بغيظ ثم تحدث
الدكتور : الكل يسكت اتفضلي اقعدي
جلست مريم و هي تنظر له نظرات سخرية
الدكتور : أحب اعرفكم بنفسي أنا الدكتور أدهم السيوفي أنا اللي هكون معاكم الترم ده بدل دكتور نادر و كل سنة و انتم طيبين ده آخر ترم ليكم معانا بعد كده هتتخرجوا فعايزين الترم يعدي من غير مشاكل
مريم بسخرية و همس : أيوه عايزين نبقى لذاذ مع بعضينا و أسرة مع بعضينا
سمعتها منال فضحكت على طريقتها
أدهم : دلوقتي نبدأ المحاضرة
___________________________________________
في بيت نسمة
اتجهت نسمة إلى الغرفة و هي تحمل المقشة بغضب ثم نزلت عليهما بها و قامت بضربهما بشدة
حسن بألم : اااااه حرام عليكي يا شيخة في حد يصحي حد كده
أنت تقرأ
عمارة الفنانين
Humorماذا سوف يحدث إذا قرر الآباء والأمهات عمل مزحة في أولادهم و هي مزحة في أسمائهم هل ستكون مزحة لطيفة أم سيعاني الأولاد منها رواية كوميدية إجتماعية بالعامية المصرية
