لا تيأسوا من روح الله
فإن لطفه عاجل
و فرجه قريب
و كرمه واسع
التأني في كل شيء حسن إلا في ثلاث خصال : عند وقت الصلاة، وعند دفن الميت، والتوبة عند المعصية.
صلوا على الحبيب المصطفى صلى الله عليه وسلم
______________________________
في الصباح استيقظ الجميع ليبدأ كل منهم يوم جديد به الكثير والكثير
في المديرية
اتجه الثلاثة إلى مكتب اللواء فهو قد استدعاهم من أجل شئ مهم
طرق أحمد الباب فأذن اللواء لهم بالدخول
محمد بمزاح : خير يا افندم ده أنا طول الليل بفكر و مش جاي ليا نوم خالص كل شوية أقول يا ترى يا ميدو اللواء عايزكم في ايه ترقية و لا علاوة بس اللي أكيد اكيد إنك هتخليني الرئيس عليهم
نظر له اللواء بغضب ثم تحدث : قولي يا محمد هو أنت كنت عايز تدخل شرطة و لا في حد أجبرك
محمد : يااااه يا عبدالصمد دي قصة أليمة ليه تفكرني بس علشان خاطر عيونك هقولك أنا أصلا كنت عايز
أدخل كلية فنون جميلة و ابقى رسام عالمي كده زي الحاج ليوناردو اللي دفن شي
اللواء بتعجب : مين اللي دفن مين ؟
محمد : ليوناردو دفن واحد كده اسمه شي قال من قلة الأسامي يعني
اللواء : يعني لا نافع في فنون و لا شرطة اسمه ليوناردو دافنشي
محمد : طيب الحمدلله ده أنا كنت ظالم الراجل و بقول عليه قاتل
أحمد : حضرتك طلبتنا في حاجة مهمة مش كده
اللواء : أيوه في قضية مهمة في عصابة متخصصة في خطف البنات و إحنا عرفنا مكانهم بس المشكلة إن العصابة دي مقيمة في منطقة سكنية و مهددة السكان انتوا أفضل فرقة عندي فأنا عاوزكم تقبضوا على العصابة من غير أي أذى للسكان و دي كل المعلومات اللي هتحتاجوها عن القضية
الثلاثة : تمام يا افندم ثم ذهبوا
_____________________________
استعدت هنا و ميريام للذهاب إلى الحالات و اتجهت كل منهما في طريقها
وصلت ميريام إلى البيت مع الممرضات لتفتح لها الخادمة و تدخل لتسمع صوت عالي بشدة
خرج هو من غرفته و هو على ذلك الكرسي المتحرك
هاني : انتى الدكتورة مش كده ؟
كانت ميريام تعطيه ظهرها فالتفتت لمصدر الصوت لتجد شاب يبدو في الثلاثين من عمره ذو ملامح جميلة و لكن يبدو عليه الغضب بينما هاني نظر لها بدهشة فهل هي حقيقة أم لا فهي تبدو كالحورية
أنت تقرأ
عمارة الفنانين
Humorماذا سوف يحدث إذا قرر الآباء والأمهات عمل مزحة في أولادهم و هي مزحة في أسمائهم هل ستكون مزحة لطيفة أم سيعاني الأولاد منها رواية كوميدية إجتماعية بالعامية المصرية
