عمارة الفنانين

part 26

عن عبدِاللَّهِ بنِ سَلاَمٍ ، أَنَّ النَّبِيَّ ﷺ قالَ: أَيُّهَا النَّاسُ أَفْشوا السَّلامَ، وَأَطْعِمُوا الطَّعَامَ، وَصَلُّوا باللَّيْل وَالنَّاسُ نِيامٌ، تَدخُلُوا الجَنَّةَ بِسَلامٍ.
رواهُ الترمذيُّ وقالَ: حديثٌ حسنٌ صحيحٌ.

صلوا على الحبيب المصطفى صلى الله عليه وسلم 💚

___________________________________________

في الصباح اتجه الجميع إلى عمله و اتجهت هنا إلى مرادها مع أخيها فادي فهو وافق على قرارها بل و دعمها بشدة فيما فكرت

وصل الاثنان بعد مدة إلى ذلك البيت و طرقا الباب ليفتح لهم رجل في أواخر الخمسينات

هنا : أستاذ سعيد ؟

الرجل : أيوه انتوا مين ؟

بعد نحو ساعة خرجت هنا مع فادي و أوصلها إلى المستشفى ثم ذهب إلى عمله

اتجهت هنا إلى غرفة رهف و طرقت الباب فأذنت لها رهف بالدخول لتدخل هنا و تندهش فوجدت رهف واقفة بدون كرسي نعم تستند على عكاز و لكن هي واقفة لتركض إليها هنا و تضمها بشدة و هي تبكي

هنا : رهف انتى واقفة أنا مش مصدقة بس انتي امبارح

رهف : بعد ما مشيتي سمعت كلامكِ و فضلت أحاول  و بالليل قدرت أقف على رجلي صح بالعكاز بس الحمد لله و قولت إني لازم افاجئك أول ما تيجي

هنا : دي أحسن مفاجأة في الدنيا كلها

أيمن : أنا مش عارف أقولك إيه يا بنتي انتي ساعدتينا كتير و وقفتي جنب رهف كأنها أختك

هنا : حضرتك بتقول ايه رهف فعلاً أختي ربنا يعلم أنا بحبها أد إيه حبها في قلبي زي حبي لنور و رانيا اخواتي و أنا أكتر واحدة سعيدة بأنها خلاص هتقدر تمشي

أيمن : خلاص كام جلسة و تخرج و آخدها و تفضل معايا  على طول

هنا : إن شاء الله يلا بقى يا رهف علشان الجلسة علشان أشوف أختي بتمشي من غير عكاز خالص ورانا شغل و تمارين لازم نعملها

أيمن : طيب أنا همشي دلوقتي و اجي العصر عايزة حاجة يا حبيبتي

رهف : شكرا يا خالو

هنا : نبدأ بقى

رهف : هنبدأ بس أنا زعلانة منك موبايلك طول اليوم مغلق و حاولت أكلمك كتير

هنا : معلش أصلي كنت مخطوفة

رهف : هنا انتى بتهزري

هنا : و الله أبدا كنت مخطوفة و مش لوحدي لأ جماعة مع بعض عزوة يعني حتى زين كان معانا

رهف: كان مخطوف هو كمان

هنا : لأ كان واحد من الخاطفين

رهف بدهشة : إيه ؟