عمارة الفنانين

part 19

يَنْزِلُ رَبُّنَا تَبَارَكَ وتَعَالَى كُلَّ لَيْلَةٍ إلى السَّمَاءِ الدُّنْيَا حِينَ يَبْقَى ثُلُثُ اللَّيْلِ الآخِرُ يقولُ: (مَن يَدْعُونِي، فأسْتَجِيبَ له مَن يَسْأَلُنِي فَأُعْطِيَهُ، مَن يَسْتَغْفِرُنِي فأغْفِرَ له)

صلوا على الحبيب المصطفى صلى الله عليه وسلم

___________________________________________

عادت لجين مع أكرم و اتجهت إلى غرفتها و أغلقت الباب
لتلقي بنفسها على السرير و تبدأ في البكاء الشديد فها هي أصبحت وحيدة فحتى عمها تركها وحيدة مع رجل لا تحبه و لا تتحمله

سمع أكرم بكاءها فحزن عليها فهو يعلم بما تشعر فهي يتيمة و هو قد جرب ذلك الشعور من قبل عندما مات والديه فاتجه إلى المطبخ و أعد الطعام لها ثم اتجه إلى غرفتها و طرق الباب

أكرم : لجين افتحي الباب لو سمحتي

اتجهت لجين إلى الباب بغضب و فتحته

لجين بغضب شديد : عايز ايه؟ جاي تشمت فيا و تدمر حياتي أكتر ما أنت دمرتها

ثم اتجهت إليه و امسكته من
ثيابه و اكملت : ليه عملت فيا كده علشان الفلوس أهو عمي عملك توكيل حقق حلمك بقى و خد كل حاجة و طلقني بقى أنا عملت فيك إيه لكل ده ليه تعمل فيا كده ؟
ليه اتجوزتني ؟ و ليه عمي وافق ؟ و مش بس كده ده سابني و سافر بقيت يتيمة تاني و قاعدة وسط ناس معرفش حد فيهم و كلهم بيكرهوني أنت عايز مني ايه ؟ كل ده علشان الرهان اللي عملته عليك عايز تخلص تارك مني مش كده

أكرم : لجين اقسم بالله أنا مش طمعان في أي حاجة و لا اتجوزتك علشان انتقم منك دي مش أخلاقي و أوعدك إني اعاملك معاملة حسنة و مش هضايقك

لجين : بس أنا مش عايزة اعيش معاك أنا بكرهك فاهم

أكرم : ماشي أول لما يرجع عمك نبقى نتكلم و لو عايزة تطلقي ساعتها ابقي قوليله و أنا مش رافض و فلوسك و فلوس عمك كلها هرجعها له و اخليه يلغي التوكيل لما يرجع بإذن الله

لجين : أنت اتجوزتني ليه ليه ؟

أكرم : اللي عايزاه هحققه لما عمك يرجع و لحد ما بإذن الله يرجع بالسلامه انتى مراتي و ياريت تحترمي ده و في حاجة عايزك تعرفيها و إنك قدام الناس كلها مراتي يبقى تحترميني و انسي إنك تسهري و تخرجي مع أي راجل أو تشربي و تلبسي اللبس العريان ده

لجين : لأ هعمل كده براحتي

أكرم : و أنا مش ممكن أسمح بكده

لجين : ليه بتحبني و غيران عليا مثلا ؟

أكرم : لأ بس انتى مراتي و أنا إنسان مسلم و انتى دلوقتي مسؤولة مني و بعدين هو انتى بتبقي مبسوطة و انتي بتخلي جسمك عرض للناس و أي حد يشوفك انتي مسلمة و المسلمة بتحافظ على نفسها و تستر نفسها بلباس ساتر و محترم و بعدين ده مش حرية أو تحضر إيه التحضر في إنك تظهري جسمك لأي حد إيه التحضر
لما جمالك يبان لكل الناس يعني معلش عايز اوريكي حاجة بس ثم أحضر قطعتين من الحلوة واحدة مغطاة و الاخرى مكشوفة