တိပ်ဝါကိုမညီမညာစွဲစုကပ်ထားသော ပြတင်းဝမှနေခြည်ပေါက်တို့က အစပျော်စရာ။
ကော်ဖီခါးတခွက်ထဲမှရေခဲတုံးတို့အရွယ်စားသေးသေးလာသည်အထိ ပြုံးစရာ။
*စာမူကိုလက်ခံလိုက်ပြီး ဇာတ်ညွှန်းအကူရေးဖို့စာချုပ်ချုပ်ချင်သည်တဲ့လေ
ဒီထက်ပိုထူးကဲလင်းဖြာတဲ့ မနက်ခင်းဟာရှိပါဦးမတဲ့လား
ဆော့ဂျင်ဧည့်ခန်းထဲဝင်တော့ဟိုဆော့က စာရွက်စာတမ်းတို့နှင့်အလုပ်ရှုပ်နေတော့သည် ။
လက်ထဲတွင်လည်း သူ့လက်စွဲတော်ကင်မရာတလုံးက ဝင့်ထည်ထည်နေရာယူသည်
"ဟာ ဆော့ဂျင် အတော်ပဲ ဒါကိုကြည့် ဒါမင်းမလား"
ဟိုဆော့ဖုန်းစခွင်ပေါ်မှထိုစာတချို့နှင့်ပုံဝေဝါးတို့...
ဆော့ဂျင်အတော်ပင်ခေါင်းခဲသွားရတော့၏
စောနကအပျော်ဟာ အခိုးငွေ့ပျံသွားသည့်အလား ကြက်ပျောက်ငှက်ပျောက်ရှိလှသည်
"ဟမ် ဒါဘာကြီးလဲ"
"မင်းမဟုတ်ဘူးလား
dating newsဆိုတာထဲက ကောင်လေးက"
"ဟုတ်တော့ဟုတ်ပေမယ့် မဟုတ်ဘူး"
"ဘာလဲ မရှင်းမလင်းတွေ"
"ငါဟုတ်ပေမယ့် သူ့ကောင်လေးမဟုတ်ဘူးလေ"
"အယ် အယ်"
"ငါအတည်ပေါက်ပြောနေတာ
စိတ်ညစ်ပါတယ် ဘာတွေလဲဒါကြီးက"
"မင်းမှန်းမသိလောက်ပါဘူးဆော့ဂျင်ရာ
မျက်နှာဝါးထားတာပဲ
ငါတောင်မနေ့ကမင်းကိုအဲ့ဟိုတယ်မှာ
တွေ့လိုက်လို့မင်းမှန်းသိတာ"
"မင်း ငါ့ကိုမြင်တာလား"
"အေး မင်းအဲ့လောက်ကို့ရို့ကားယားလုပ်ပြီး
သူများအကျီစကိုစွဲထားမှတော့တွေ့တာပေါ့
မင်းကိုအစကဆေးထိုးဖို့ဆိုပြီး
ပုံတောင်ရိုက်မလို့လုပ်သေး"
"မင်းအဲ့ဖုန်းနဲ့ပုံတွေနဲ့ပဲလုပ်နေ"
"ခုအဲ့ဒါအလုပ်ရောအချစ်ကိုရောရှာတွေ့တော့မှာကွ ဟဲဟဲ"
"ဘာကြီး"
"သတင်းဌာနတခုကအလုပ်ကမ်းလှမ်းထားတာလေးရှိလို့ ငါ့သူငယ်ချင်းရေ မင်းလည်းအများကြီးတွေးမနေပဲ လုပ်စရာရှိတာသာလုပ်"
