[Zawgyi]
ဒယ်အိုးကို မပြင်းလွန်းမလျော့လွန်းသော မီးအားဖြင့်အပူပေးနေသည်။ဒယ်အိုးထဲသို့ခေါက်ထားသည့်ကြက်ဥအချပ်ကြီးပေါ်ပေါင်မုန့်ချပ်လေးတွေအား တင်လိုက်ပြီး အထက်အောက်လှန်လိုက်သည်.။..ဝယ်ယူထားသည့် ချိစ်အလွှာလေးကိုတော့ပေါင်မုန့်ပေါ်သေသပ်စွာထပ်တင်လိုက်လေသည်။။ရေစင်စင်ဆေးကာ စစ်ထားသည့် ဆလက်ရွက်အနည်းငယ်ကိုယူပြီး ချိစ်ပေါ်တင်ထားလိုက်ပြီး အလွှာပါးပါးလှီးထားသည့် ခရမ်းချဉ်သီးနှင့်ထောပတ်သီးတို့ကို လှလှ ပပ ထပ်ကာတင်လိုက်ပြန်သည်။အနားသပ်တွေကိုညီညာစွာခေါက်ပြီးနောက်တွင်တော့သူကပေါင်မုန့်နှစ်ချပ်ကိုထပ်လိုက်ကာ တြိဂံပုံစံ အပိုင်းလေးပိုင်းကိုအညီအညာခွဲထုတ်လိုက်လေသည်။
"ဒါလေးက တစ်လုပ်စာပဲရှိတယ်နော်.."
ထမင်းစားခုံပေါ်မေးထောက်ရင်းလိုက်ငေးနေသည့်တုတ်ကြီးက သူ့မျက်စိရှေ့သို့ရောက်ချလာသည့်ပန်းကန်သေးသေးလေးတွေအားစူးစမ်းကြည့်ရင်း မေးလာလေသည်။
ဒီမင်းနောင်နောင်မှာ သူ့ယောကျာ်း၏မေးစေ့လေးကိုလက်ညှိုးလေးဖြင့်ကလူကျီစယ်လိုက်သည်။
"ဒါက နိုင်ငံခြားစတိုင်လေ...ဟဲဟဲ..မနေ့က မင်္ဂလာဆောင်အတွက်ပစ္စည်းသွားဝယ်တုန်းက ကော်ဖီစေ့တွေမှာလိုက်တယ်လေ..အဲ့တာ ညကတည်းက နှပ်ထားတာ...မောင့်အတွက် မနက်စာ ပုံစံအသစ်လုပ်ကျွေးချင်လို့လေ...အဆာပြေရုံလောက်ပဲစားပေါ့...ပြီးရင်မင်္ဂလာဆောင်လဲသွားရအုံးမှာကို..."
အိပ်ချင်ပြေသေးပုံမပေါ်သည့်အိမ်ကလူကိုကလူကျီစယ်မှုအပြီးတွင်တော့ အနောက်သို့ပြန်လှည့်ကာ ကော်ဖီဖျော်ခြင်းကိုစတင်လိုက်တော့သည်။သူက အခက်အခဲ အထေ့အငေါ့သေးသေးလေးပင်ရှိမနေပဲ နေ့စဉ်လုပ်နေကြအလုပ်တစ်ခုလိုဖြစ်နေတာကြောင့်အနည်းငယ်လေးဂုဏ်ဆာမိသေးသည်။ကျောင်းတတ်တုန်းက ဟိုစပ်စပ်ဒီစပ်စပ်လျှောက်တတ်ထားသည့် သင့်တန်းတွေကြောင့်ကော အားလပ်ချိန်တိုင်း အသစ်အသစ်တွေ အင်တာနက်ပေါ်မှရှာဖွေကာ လိုက်လုပ်ကြည့်ထားတာတွေကြောင့်ပါ သူက အတော်များများကို လုပ်တတ်နေခြင်းပင်ဖြစ်သည်။
