Neglected Wife (Reborn BL) BOYSLOVE

SHOWDOWN

NEGLECTED WIFE
(SHOWDOWN)

****------***

"Ladies and gentlemen, the cutting of the cake," nakangiting saad ng lalakeng may hawak ng mikropono.

Isa sa bahagi ng tradition sa Chivaree family na sa tuwing darating ang kaarawan ng mag-asawang Chivaree ay ipagdiriwang rin nito ang pagsasama ng mag-asawa bilang pagpupugay sa kanilang pamilya.

Magkasamang nagtungo ang mag-asawang Marie at Arthur Chivaree kasabay ng anak nitong si Cedric Chivaree at sa tabi nito ay ang dalagang si Alexandria. Ang ilang bisitang naroroon naman ay ngumiti nang makahulugan ngunit agad rin namang pinawi at umaktong tila walang may nangyari. Matamang pinagmasdan ni Winston ang nakangiting si Alexandria na ngayon ay mabilis na umalingkis ang katawan sa husband niyang si Cedric. Hindi niya mapigilan ang matawa sa gawi nito. Married couples of the Chivaree family, ibigsabihin ay ang mga magulang ni Cedric at siya bilang asawa, ang siyang nararapat na magtutungo sa gitna ng lahat para sundin ang nakagawian. Ngunit sinong mag-aakala na ang kapatid niya ang gagawa nito?

Mataman niyang siniyasat ang paligid at isa-isang pinakatitigan ang reaction ng mga bisitang naroroon. Marahil sa iba ay katanggap-tanggap ang kinikilos ni Alexandria ngunit para sa mga taong nasa kilala ang katayuan. Maaaring maging Isa itong malaking kahihiyan at katawa-tawa.

Nanatiling nakatayo si Winston katabi ng ilang bisitang naroroon. Isa-isang nagsibaling sa kanyang direksyon ang  ilang naroroon at ang ilan naman ay  may pagtataka sa kani-kanilang mga mukha. Katangahan nalang kung hindi makaunawa sa maaring iniisip ng mga ito. Habang nasa gitna na ang Chivaree family. Nanatiling nakatitig sa kawalan ang MC ng party na siyang dahilan para mabalot ng katahimikan ang lahat.

"Mr. MC?"
Marahang bulong na turan ng isa sa mga kasama nito na siyang dahilan para mapatawa ng mapakla ang lalake.

Akmang magsasalita ito nang biglang isang tinig ng may katandaang babae ang umagaw sa atensyon ng lahat.

"Ang mga mag-asawa sa pamilyang Chivaree family, ito ang tamang dinig ko tama? Ito ang nararapat na sundin sa tradition ng family Chivaree. Pero nasaan ang Wife ni Cedric Chivaree? Miss Alexandria Metawin. Ikaw na ba ngayon ang asawa ng pamangkin kong si Cedric Chivaree? Kailan lang kayo nagpakasal? Kailan lang nagbago ang bride? Tsk...tsk...nakapanghihinayang, wala man lang may nakapagsabi sa akin."

Sa mga salitang ito at sa sandali ding  iyon ay mabilis na binalot ng nakapalaking  katahimikan ang buong paligid. Madarama ang tila matatalim na karayom na nagmumula sa mga katagang kani-kanilang narinig.

Gulat na naibaling ni Winston ang kanyang paningin sa babaeng nagsalita. Hindi niya natatandaan kung sino ang babaeng ito.

"Ahm, excuse me, Madam?Nag-aalalangang sabi ni Alexandria ngunit maaninag sa tinig nito ang pagkairita dahil sa pagkapahiyang natanggap.

"Oh, pagpaumahin niyo na ang katandaan ko. Ni hindi ko man lang naipakilala kung sino at kung ano ang pangalan ko. Well, let me introduce my name to all of you. I am Raquel Chivaree, the only sister of Big Brother Arthur Chivaree."

What the...?

Raquel Chivaree!

Ang babaeng ito ang kaisa-isang kapatid ng Ama ni Cedric. Ang tanging babae na siyang ayaw kay Mrs. Marie Chivaree. Sa previous life, ni Winston ay hindi niya nakita o nakilala man lang ang babaeng ito dahil nanatili lamang ang atensyon niya sa asawang si Cedric. At hindi rin nangyari ang kaganapan na ito marahil ay hindi niya naabotan ang pangyayaring ito dahil sa nadala siya sa hospital.

Kung gayon ay nagsisimula na ang ilang pagbabago sa takbo ng pangyayari dahil sa mga kilos na ginagawa niya? Interesting, marahil ay magiging pabor ito sa side niya upang mabago ang buhay nila ng anak niyang si Little Zed.