Extra Chapter
ရိုက်ကွင်းနောက်ကွယ်မှ ဖြစ်ရပ်များ: Swan Lake
'သန်းခေါင်ယံနေမင်းအား စောင့်စားခြင်း'၏ ပထမအကျော့နယ်လှည့်ခရီးစဥ်နှင့် ' အခုကအချစ်ဦးပဲ' တို့၏ဒုတိယအကျော့နယ်လှည့်ဖျော်ဖြေပွဲများ ပြီးဆုံးသွားပြီးနောက် ရှန်းချိုက်သည် နောက်ဆုံးတွင်တော့ အေးအေးဆေးဆေးအားလပ်ရက်ရှည်လေးကို ပိုင်ဆိုင်သွားနိုင်ပြီဖြစ်သည်။
တေးဂီတပြဇာတ်သရုပ်ဆောင်တွေအားလုံး ထိုအတိုင်းပင်။ အလုပ်ရှိနေချိန်၌ လေ့ကျင့်ရေးခန်းမသို့ နေ့တိုင်းပြေးလွှားနေရပြီး အလုပ်မရှိသောအခါများတွင်လည်း ရက်သတ္တပတ်များချီ၍ ဒါမှမဟုတ် လနှင့်ချီ၍တောင် အားလပ်ရက်များရှိတတ်ကြသည်။
ဒီလို ရှားပါးအဖိုးတန်လှသောအားလပ်ရက်လေးအား ခရီးသွားကြရန် ဆုံးဖြတ်လိုက်ကြသည်။
ထို့အပြင် ယခုအားလပ်ရက်ခရီးစဉ်မှာ မြောက်ဘက်တွင်ရှိနေသော ရုရှားနိုင်ငံသို့ပင်။
ရှန်းချိုက်သည် အသက်ဆယ့်ငါးနှစ်အရွယ်တွင် စိန့်ပီတာစဘတ်မြို့ရှိ Vaganova ဘဲလေးအကအကယ်ဒမီဆီသို့ လဲလှယ်ရေးကျောင်းသားအဖြစ် ပညာသင်ကြားရန်စေလွှတ်ခံခဲ့ရသည်။ ထိုအချိန်တုန်းကတော့ အချိန်အကန့်အသတ်များကြောင့် လေ့ကျင့်ရေးခန်းမတွင်သာ အချိန်ကုန်ဆုံးခဲ့ရပြီး အားလပ်ချိန်အချို့၌သာ ကျောင်းမှအပြင်သို့ထွက်နိုင်၏။ ယခုပြန်စဥ်းစားကြည့်ပါက သူသည် ရုရှား၌ လအတော်ကြာအောင်နေခဲ့ရသော်လည်း မော်စကိုမြို့ကိုတောင်မရောက်ဖူးခဲ့ပေ။ ဒီ့ထက်ပိုဝေးသော မာမန့်စ်ခ်မြို့နှင့် Baikal ရေကန်ကိုတော့ ပြောမနေပါနဲ့တော့။
ဒီတစ်ခါတွင်တော့ သူသေချာပေါက်ရောက်အောင်သွားရမည်ဖြစ်သည်။
ထန်ယီမင်ကလည်း သူရုရှားသို့အလည်သွားချင်သည့်ဆုံးဖြတ်ချက်ကို ဝမ်းမြောက်စွာသဘောတူခဲ့ပြီး နှစ်ဦးသား စိတ်အားထက်သန်စွာဖြင့် ခရီးစဉ်အတွက်အစီအစဉ်များဆွဲက မြို့လေးမြို့ဆီသို့ သွားရောက်လည်ပတ်ကြရန် အသေးစိတ်ဗျူဟာချခဲ့ကြသည်။
သို့သော် သယ်ယူပို့ဆောင်ရေးကဏ္ဍသို့ရောက်လာသောအခါတွင်တော့ နှစ်ဦးအကြား သဘောထားကွဲလွဲမှုများရှိလာ၏။
ВЫ ЧИТАЕТЕ
Cāi Cāi || ချိုက်ချိုက် || [ မြန်မာဘာသာပြန်] (Completed)
Любовные романыCāi Cāi Author- MòLǐ 莫里 English Translators - Closed Window Translation Burmese Translator - littlewillow01 Start Date - 11 September 2021 End Date - 12 November 2022 This is Myanmar Translation of Chinese Novel " Cāi Cāi ". This is just fan trans...
![Cāi Cāi || ချိုက်ချိုက် || [ မြန်မာဘာသာပြန်] (Completed)](https://img.wattpad.com/cover/284740993-64-k299699.jpg)