Cāi Cāi || ချိုက်ချိုက် || [ မြန်မာဘာသာပြန်] (Completed)

Chapter (8)

Chapter (8)

Act 2: Hairspray (1)
ရှန်းချိုက်ကို သူ့အတန်းထဲမှ ကောင်လေးတွေအားလုံးက ဖယ်ထုတ်ထားကြပြီး ရှန်းချိုက်ကလည်းဂရုမစိုက်သဖြင့် ဤဖယ်ထုတ်မှုသည် နှစ်ဦးနှစ်ဖက် အပြန်အလှန်သာဖြစ်သည်။

" ရှန်းချိုက်!"  ဝဝကစ်ကစ်နှင့် ချီကျိတစ်ယောက် အလျင်အမြန်ပြေးလာ၏။  သူမသည် မြေအောက်အဖွဲ့တစ်ခုတွင် တာဝန်ထမ်းဆောင်နေရသကဲ့သို့ အသံကို နှိမ့်ချထားကာ " ကျိုရှောင်းအသံရဲ့ လူသစ်စုဆောင်းရေးကို မြင်ပြီးပြိီလား " ဟု မေးလာသည်။

ကျိုရှောင်းအသံသည် ဤလုပ်ငန်းစက်ဝန်း၌ လူသိများကျော်ကြားသော အသံသွင်းအသိုင်းအဝိုင်းတစ်ခုဖြစ်ပြီး သူတို့၏စွမ်းရည်မှာလည်း အလွန်အားကောင်းခဲ့သည်။ ၎င်းသည် စုဆောင်းရေးရာသီသစ်ဖြစ်ကာ အခြားအဖွဲ့များက လှပသောပိုစတာအချို့ကို ပြုလုပ်ခဲ့သော်လည်း ကျိုရှောင်းအသံသည် ပရိုမိုးရှင်းဗီဒီယိုတစ်ခုကို တိုက်ရိုက်ပြုလုပ်ခဲ့၏။

တစ်မိနစ်ခွဲစာ ဗီဒီယိုတစ်ခုလုံးတွင် လှပသောသရုပ်ဖော်ပုံများ ပါရှိသော်လည်း သူတို့အသိုင်းအဝိုင်း၏ အရှိန်အဟုန်ကိုပြသရန် ကျော်ကြားသော CV များနှင့် အသည်းစွဲတေးဂီတအကျော်အမော် တစ်ဒါဇင်ကျော် ပါ၀င်ကြသည်။

ဗွီဒီယိုသည် တိုတောင်းသောကြောင့် ဒါရိုက်တာသည် CV တစ်ယောက်စီအတွက် စာကြောင်းတစ်ကြောင်းကိုသာ စီစဉ်ပေးပြီး အချိန်အကန့်အသတ်ဖြင့်သာ ပါဝင်နိုင်သည်။

ဝမ်ချင်းယွမ်သည် ထိုအဖွဲ့၏ အကြီးမားဆုံးမျက်နှာဖုံးဖြစ်သောကြောင့် သဘာဝကျစွာပင် ပထမဆုံးစကားစပြောရသူဖြစ်သည်။

- မင်းက CV တစ်ယောက်ဖြစ်ချင်ပြီး နတ်ဘုရားတွေနဲ့အတူ တင်ဆက်ချင်တာလား??

ခပ်နိမ့်နိမ့် အသံတစ်ခုသည် ပရိတ်သတ်များနားထဲသို့ စီးဝင်လာပြီး ဤခေါ်သံကိုကြားလိုက်ရသော ပရိတ်သတ်တိုင်းက " စဉ်းစားကြည့်ကြပါဦးဟယ်. . . ဘယ်သူက ပါပီပေါက်လေး မဖြစ်ချင်ဘဲနေမလဲ " ဟု အော်ဟစ်နေတော့သည်။

ချီကျိသည် ရှန်းချိုက်မှာ ဝမ်ချင်းယွမ်ကို အလွန်သဘောကျသောကြောင့်  ရေဒီယိုဇာတ်လမ်းတွဲကုမ္ပဏီမှ ရွေးချယ်ခြင်းအတွက် သေချာပေါက်စာရင်းပေးထားလိမ့်မည်ဟု သေချာပေါက် တွေးနေခဲ့သည်။