Cāi Cāi || ချိုက်ချိုက် || [ မြန်မာဘာသာပြန်] (Completed)

Chapter (30)

Chapter(30)

Act 5 : Avenue Q (2)

ဝမ်ချင်းယွမ်သည် သူ၏ ပထမဆုံးရေဒီယိုဒရာမာနောက်ပိုင်းမှစ၍ လွှမ်းမိုးမှုရှိသောအသံကြောင့် နာမည်ကြီးလာခဲ့သည်။  အထက်တန်းစား အဆင့်မြင့် Gong၊ သဘောထားကြီးသော Gong၊ ရင့်ကျက်ကာလူကြီးလူကောင်းဆန်သော Gong၊ သူ့ကိုယ်ပိုင်အသံသွင်ပြင်ကို ထိန်းသိမ်းထားပြီး မတူညီသောတဲ့စရိုက်လက္ခဏာများကို ပိုင်းခြားထားတတ်သူဖြစ်လေသည်။

သူသည် Shou CV အများအပြားနှင့် ပူးပေါင်းတင်ဆက်ခဲ့ပြီး မတည်မြဲသော CP များကိုလည်း တစ်ခုပြီးတစ်ခု တည်ဆောက်ခဲ့၏။  ဤအသိုင်းအဝိုင်းတွင် သူသည် " ဘယ်ရောညာပါ သင့်လျော်သည်" ဟုထင်ရပြီး ပရိသတ်များစွာကတော့ တစ်နေ့နေ့တွင် သူ့အား "Shou" နေရာမှ အသံသရုပ်ဆောင်ရန် မျှော်လင့်ကြောင်းကြွေးကြော်ကာ အလံများဝှေ့ယမ်းနေကြတော့သည်။

လွန်ခဲ့သောနှစ်ကတောင် ဇာတ်ကောင်တစ်ဦးကိုတစ်ဦး အကျိုးပြုနိုင်မည်ဟုမျှော်လင့်ကာ  Mutual Gong ပုံစံဖြင့် အသံသွင်းလိုသော အဖွဲ့တစ်ခုရှိခဲ့၏။  သို့သော်အဆုံးတွင် သူ့၌အချိန်မရှိသောကြောင့် သနားစရာကောင်းစွာပင် ငြင်းဆန်လိုက်ရသည်။ ဤသတင်းသည် နေရာအနှံ့ပျံ့နှံ့သွားပြီး သူ့ပရိသတ်များလည်းစိတ်မကောင်းဖြစ်သွားကြလေသည်။  နတ်ဘုရားကြီး၏ 'shou အဖြစ် ပထမဆုံးအကြိမ်' ကို သူတို့ကြားနိုင်လုနီးပါးပင်။ ဒါပေမယ့် ဒီကောင်းလွန်းတဲ့အခွင့်အရေးကြီးက အချည်းနှီးနဲ့လွတ်သွားခဲ့ရ၏။

ဤနွေဦးပွဲတော် သီချင်းပွဲ၌ ဝမ်ချင်းယွမ်ကိုယ်တိုင်က ခေါင်းမာသည့် Shou နေရာမှအသံသရုပ်ဆောင်ပေးမည်ကို သူတို့ဘယ်တုန်းကမှ မကြုံတွေ့ဖူးပေ။

ဤအဆိုပြုချက် ထွက်လာသည်နှင့်တပြိုင်နက် Group တစ်ခုလုံး ပေါက်ကွဲသွား၏။

ဒုတိယသားက အရင်ဆုံး တွင်းတူးလေသည်။

[ကျိုရှောင်းအသံ -- ဒုတိယသား] : ငါ့ရဲ့ယွမ်ယွမ်လေး. . . နင့်ကို ဂြိုလ်သားတစ်ယောက် များ ပြန်ပေးဆွဲသွားတာလား??

အောက်တွင် +1 ထပ်ရှိနေကာ လူတိုင်းကလည်း ယွမ်တာ့အား အဘယ်အရာ​က အသံသွင်းရန် လှုံဆော်လိုက်မှန်းမသိသောကြောင့် အမည်ခေါ်ရန်မစောင့်နိုင်တော့ပေ။