أنت تقرأ

Cāi Cāi || ချိုက်ချိုက် || [ မြန်မာဘာသာပြန်] (Completed)

عاطفية

Cāi Cāi Author- MòLǐ 莫里 English Translators - Closed Window Translation Burmese Translator - littlewillow01 Start Date - 11 September 2021 End Date - 12 November 2022 This is Myanmar Translation of Chinese Novel " Cāi Cāi ". This is just fan trans...

#boyxboy #calmprotagonist #chinesenovel #mmtranslation #singer #slowromance #voiceactor

Chapter (43)

973 192 5 
                                    

                                              
Chapter (43)

                          
Act 6 : The Little Prince (5)
ဟေ့ကောင်တွေ ထကြည့်ကြဦး!!! ငါတို့ရဲ့ဘဲလေးမင်းသားလေး နွေဦးအိပ်မက်မက်သွားတယ်ကွ!!!

                          
ယီမင် ချင်းယွမ် : မင်းကိုချစ်တယ် ဆိုတာရောပဲ

                          
ရှန်းချိုက်၏လက်ကောက်ဝတ်လေး တုန်ခါသွားပြီး ကိုင်ထားသောဆဲလ်ဖုန်းသည် စားပွဲခုံအတွင်းထဲမှ ​ကြမ်းပြင်ပေါ်သို့ပြုတ်ကျသွားသောကြောင့် ကျယ်လောင်သောမြည်သံကြီး ထွက်လာတော့သည်။

                          
ကိုယ်ပိုင်စာလေ့လာသောအတန်းရှိ မူလကတိတ်ဆိတ်နေသောလေထုသည် ရုတ်တရက်ပျက်ပြားသွားပြီး တီချယ်ချူပင်းသည် မျက်ခုံးတစ်ချက်ပင့်လိုက်ကာ မြေဖြူခဲအပိုင်းအစတစ်ခုကိုကောက်ယူလိုက်၍ ရှန်းချိုက်၏နဖူးအလယ်တည့်တည့်သို့ လှပသောအကွေးသဏ္ဍာန်ဖြင့် တိကျစွာလှမ်းပစ်လိုက်သဖြင့် ရှန်းချိုက်၏နဖူး၌ ချက်ချင်းပင် အနီရောင်တောက်တောက်အမှတ်အသားတစ်ခုရသွားတော့၏။

                          
ရှန်းချိုက်လည်း အလျင်အမြန်ခေါင်းပြန်ငုံ့လိုက်ပြီး ခက်ခက်ခဲခဲစာလေ့လာနေသောအသွင်လေးကို ဆက်လက်သရုပ်ဆောင်နေလိုက်သည်။

                          
 ခန့်မှန်း : 'ချစ်တယ်' ကို ဘယ်လိုပြောရမလဲတော့ မမှတ်မိတော့ဘူး

                          
သူ လိမ်ပြောလိုက်ခြင်းဖြစ်သည်။

                          
 ခန့်မှန်း : တကယ်တော့ ကျွန်တော့်ရဲ့ရုရှားစကားက အရမ်းအတော်ကြီးလည်းမဟုတ်ပါဘူး

                          
 သူ ဆက်လိမ်နေခဲ့သည်။

                          
 ခန့်မှန်း : ပြီးတော့ ကျွန်တော်က အခုအတန်းထဲ မှာဆိုတော့ ယွမ်တာ့နဲ့စကားပြောရတာ သိပ်အဆင်မပြေဘူးဖြစ်နေတယ်

                          
ဤစကားသည်တော့ လိမ်ညာခြင်းမဟုတ်ပေ။

                          
ဝမ်ချင်းယွမ်ကလည်း အဆင်ပြေကြောင်းပြန်ပြောလာကာ ပြုံးနေသောမျက်နှာပုံလေး ပို့ပေးခဲ့ပြီး သူကားပေါ်တက်တော့မည်ဖြစ်သည်အတွက် နောက်မှစကားပြန်ပြောမည်ဟု ပြောခဲ့လေသည် ။

                          
ရှန်းချိုက်တစ်ယောက် ဂရုတစိုက်ဖြင့် သက်ပြင်းချလိုက်မိသည်။

                          
 "ငါ မင်းကိုချစ်တယ်" ဆိုသည့် ရိုးရှင်းသောစကားလုံးသုံးလုံးသည် ယခုဆိုတဖြည်းဖြည်း အသုံးနည်းလာ၏။ ဤအရာသည် အမြင့်မြတ်ဆုံးကတိစကားမှန်း လူတိုင်းသိကြပြီး မြှားနတ်မောင်လက်ထဲရှိ သေစေနိုင်လောက်ဆုံးသော မြှားတစ်စင်းဖြစ်သည့်အတွက် အလွန့်အလွန်အရေးကြီးသောအခိုက်အတန့်လေးမှလွဲ၍ ဘယ်သူမှမဆွဲထုတ်ဝံ့ကြပေ။
Cāi Cāi || ချိုက်ချိုက် || [ မြန်မာဘာသာပြန်] (Completed)حيث تعيش القصص. اكتشف الآن