ماذا لو اجتمع في مكان واحد..
الحب والموت
الزواج والطلاق
الثقة والخيانه
تملك والكره
تمسك والانفصال
فـ من يخسر؟!
"هل القلب ينبض بعد الموت"
"وماذا يحصل بعد گسر الثقة والخيانه"
" من هو أقوى الكره ام التملك"
والى اي طرف تشد الأحداث كل هذا سنعرفه في م...
هلا حبايب گلبي شخباركم ان شاء الله بخير رجعت وياكم بعمل ثاني القصة حلوه بتفاصيلها بالأحداثها بابطالها حرفياً كولشي بيها حلو وان شاء الله تقرون وتحكمون عليها بيها العبر جميلة وإحداث مشوقة غامضة بتفاصيلها اتمنى تنال اعجابكم وارجع اشوف تعليقاتكم الحلوة.. القصة واقعيه ١٠٠٪ في إحدى محافظات الجنوب العراق
بقلمي : الكاتبه لافندر 🤍🫀
مشهد ١..
جنت واكفه بالمطبخ والكل مجتمع بالاستقبال ما احس الا ارتفعت الأصوات طلعت عمتي من الاستقبال وكعدت بالهول ردت اطلع يمها افهم شصار.. انصدمت من دخل للمطبخ هو معصب وعيونه ناطه من العصبيه خزرني خزره جسمي رجف تقرب مني والولد وراء يحاولون يوكفوا بس عبث أمام البركان الهاج كال بصياح وعصبيه :-
_ تررردين تتزوجيين مووو..
الخوف سيطر عليه ما اعرف شكول بهل لحظه دخلت عمتي وهي تحاول توكف بوجهه كالت..
_ عوف البنية ما تعرف بشي، عبالي ادمي واحجي وياك بس ما دامك هيج وما تحترمني إلا أبلغ عمامها واخوانها وازوجها وعينك تشوف....
_ يمه لا تخبليني تردين العالم تضحك علينا زوجوا جنتهم..
ردت عليه بعصبيه :- _شنو تضحك علينا العالم البنية كل عمره ١٦ من ترملت وهسه ٢٠ سنه شنو شافت من حياتها خلي البنية تكمل حياتها كل عاشته وي اخوك ٣ أشهر بس هي بت اودم بقت اهنا ل مثلها من اول سنه تزوجت وكملت حياتها كافي واكف بطريقها سجينه خاصره وهاا ولا تكلي اخذ جهال خاف ابوها وعمامها فقره وتكدر تقنعهم على ابو اخذ جهال وتخوفهم بعشيرتك تره الجهال من حقها...
جن جنونه وهو يسمع كلامها صاح بصوت رن البيت رررن :- والقرآن اكتلها..
ردت عليه وهي تكول.. _مو هي تايها الك وتكتلها فهمنيييي شتررريد ..
باوع الي وهو نارر من أعصاب كال بصوت وبحديه رجف كل جسمي :-
_ طلقة وحده اخسرها عليج..
كال هل الجمله وترك الكل صافن وهما يعرفون اذا قرر شنو يصير....
¥________¥
مشهد ٢..
صرت مثل واحد الضايع عليه الهوى كلبي طك عليها وهي ما تحس كل ما اتصل عليها تحجج ونفس جواب..
_ امي تعبانه ما اكدر اتركها..
اشتاقيت الها مو بيدي ادخل للبيت ما بي روح بدونها تعودت عليها تعودت على شوفتها بالبيت .. جنت بالشغل واني أعصاب.. كل شوية واحد يكول.. اشبيك واني اصفن بالي دولبت حالي تعبت نفسيتي تعبت بدونها رجعت من الشغل تعبان وكل شوية اخذ صفنه ويروح بالي له اخخ شهر محروم من شوفتها مثل بالع موس لا هو مرتاح ولا متهني.. دخلت للبيت واني مقرر خلص باجر اروح اجيبها شصير خلي يصير.. بعد ما اكدر على فراكه البيت هدوء اكيد امي نايمه اتجهت لغرفتها فتحت باب استغربت ماكو.. توجهت للغرفه ل ماخذه بالي وراحتي أول ما فتحت الباب فتحت اعيوني على وسعهن واني اشوفها بطوله واكفه كبالي والجسم طالع باقيه بالتك بقيت واكف مثل الصنم كل ذره بيه مشتاقه الها.. جانت منطتني ظهرها ما تدري بيه واني صافن على إبداع رب العالمين بيها شنو من خلقه شنو من جسم حتى رمش ما رمشت واني صافن عليها دارت وجها عليه طفرت من مكانها من شافتني بسرعه خلت ثوبها على صدرها وهي مصدومه.. اتمنيت اسحب الثوب من ايدها واخذها لحضني واشبع منها.. حسيت على نفسي درت وجهي وطلعت من الغرفه وسديت الباب وراي واني ودي ارجع اشبع شوف منها ولو اذا العمر كله أكبالي هم ما اشبع منها ....
¥_______¥
انتظرواً بعنوان " آمر لوجين"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شكرا وتقدير للمصممه الغلاف وعلى تعبيرها المميز بهل الغلاف.. شكرا من كل كلبي على اسلوبج الحلو وتعبج وياية تصمم حرفيا روعه حبيبتي كل التوفيق يا رب um_daeiy_qmar حساب المصممه الغلاف🖕
بس أنوه على شغلة مثل ما تعرفون بقصصي احب اختم البارت باقتباس او شعر اي عباره حلوه سواء من بطلة القصة او شخص ثاني ف عنده موهبه او عبارات حلوه يحب يشارك بالقصة يدز بالتعليقات حتى اضيفهم بالبارتات الجاية كل حبي واحترامي الكم
