يا هلا وكل الهلا رجعنا وياكم بقصه جديده بأحداث مشوقه وغريبه يلا نبلش بأول بارت بقصتنا بعنوان "آمر لوجين"
لا تنسون التصويت على القصه + شوفوني تعليقاتكم الحلوه لاستمرار وتشجيع
اتمنى تعليقاتكم بحب واحترام لان أبطال القصه وياكم اول بأول
يلا نبلش بإذن الله
" البارت ١ "
نايمه على ظهري وعمتي وامي يمي يسولفن هذا الحال من أشهر ما تركوني ولا لحظه
خليت ايدي على بطني كبرانه وابتسمت بحزن واني أرجع بذكرياتي لذاك اليوم مشؤوم اختفيت بي ضحكتي وسعادتي...
مثل كل يوم جنت كاعده ندك الباب راح صادق يفتح الباب شوية ودخل محمد نازل من الدوام طفرت حضنته وابتسم بوجهي وكال
محمد : هلا بخيتي اشلونج
لوجين : الحمد لله انت اشلونك الحمد لله على سلامه مشتاقلك تأخرت
محمد : الحمد لله يي والله هاي بعد شغل مو بيدنا..
بعد اخوج صديقي وياي بالاستقبال حضرينا لكمه ناكلها ميتين من الجوع..
لوجين : بعيوني..
تركني وراح لغرفة أهلي يسلم عليهم رحت للمطبخ حضرت الهم اكل اجه محمد مبدل اخذ الاكل وراح الاستقبال..
اجت مرت اخوي سألتني..
اشجان : منو اجه
لوجين : محمد وصديقه
اشجان : منو بيهن
لوجين : عبدالله اكو غير حبيب قلب اخوي الليل والنهار سوه
اشجان : هههههههه الله يديم المحبه بينهم بس شعجب اجه اهنا ما راح لأهله واكيد هسة هو تعبان نازلين من دوام استوهم
لوجين : اهله من البصره لذلك دائما محمد يطلب منه يجي يمنا بغداد يرتاح او عدهم صديقهم عده شقة يجتمعون كلهم بيها مرات حتى ما يرحون لاهلهم يطلعون يتونسون سوه..
يحمد بيه وأخلاقه اخوي عاشگ الولد هههههههه..
بقينا نسولف سوه علما سمعنا باب الاستقبال نفتح سكتنا سمعنا صوتهم يسلمون على بعض وطلع دخل محمد الضحكه مرسومه على وجهه
سلمت عليه مرت اخوي
وراح لغرفته..
بقينا كاعدين لليل اجه بابا من الشغل والعائلة الكريمة كلها مجتمعه تحمم محمد وكال..
محمد : بوية عندي موضوع وياك
ابو لوجين : تفضل بوية اسمعك
محمد : انتم تعرفون صديقي عبدالله واخلاقه واني وياه عشرت عمر اعرف أخلاقه كلش زين رجال ونعم منه وأهله ناس معروفين من البصره اخلاقهم تنحلف بيها وحالتهم المادية زينه وقبل فتره الولد عرف عندي اخت وتقدمت لخطبتها..
ابو لوجين : بوية الولد حباب والله يشهد شايفين أخلاقه ونعم منه بس اختك اصغيره وهما بالبصره ما اكدر على بعد هلكد واختك بعدها اصغيره على مسؤوليه الزواج
أنت تقرأ
آمر لوجين
General Fictionماذا لو اجتمع في مكان واحد.. الحب والموت الزواج والطلاق الثقة والخيانه تملك والكره تمسك والانفصال فـ من يخسر؟! "هل القلب ينبض بعد الموت" "وماذا يحصل بعد گسر الثقة والخيانه" " من هو أقوى الكره ام التملك" والى اي طرف تشد الأحداث كل هذا سنعرفه في م...
