البارت الثالث والعشرون..
قُل لي صباحُ الخيرِ سيّدتي
واملأ بفيض هواكَ أوردتي
قُل لي صباحُ الخيرِ يا أملي
أشعِل فتيلَ العشق في لُغتي .
- - - - - - - - - - - - - - - - - - - - -
_ اريد تحجين وي آمر
_ بخصوص شنو
_ إهواي تأخر زواجه من نوال و آمر ما يقبل يزوج يستحي منج يكول معتبرة أخيتيي
سكتتِ والغصه بصدري
اباوع لـ نوال تباوع لامها بفرحه كانوا اشجعها لان نطقت هل كلام
من اول ما دخلن وهنه مزعوجات مني
بس عمتي راحت للمطبخ و آمر طلع يشتري للجهال
استغلن الفرصه
حتى يلمحن بكلامهن على علاقتي ب آمر
أباوع لـ نوال ضحكت بخبث وكالت..
_ لو ما يعتبرج مثل اخته ما اجل العرس تسع أشهر
ابتسمت مجاملة..
_ ونعم منه
سكتت من دخلت عمتي
كالت ام نوال الي آمبينه ضايجه اكثر من بنتها
_ أخيتي ام عبدالله
انا وابو نوال نريد نروح للعمره ان شاء الله هل شهر
_ بيها الخير ان شاء الله
_ يي والله بس يا خوفي على نوال أشلون تبقى وحدها
ومثل ما تعرفين البنية بتكم
باوعت علية عمتي بحزن
وردت عليها
_ خير ان شاء الله
دخل آمر بيده الجهال فرحانين
_ راح اطلع عندي شغل اوصلكم بطريقي
وحده باوعت بوجهه ثاني وكامن
_ يلا أخذوا راحتكم
سلمت على عمتي وتقربت عليه
_ الله وياج حبيبتي
ضحكت بكلبي على تصرفها اجر بالحروف جر كانوا تكول لا تنسين
طلع آمر بعد ما أخذهم وياه
باوعت لعمتي
_ عمه آمر اذا موقف زواجه بسبب وفاه ابوي كوليله على راحته ما عندي مشكله
_ اوف يا يمه إشلونه حظكم
سكتت وكاتمه ألم كلبي..
الليل الولد كلهم متجمعين بس آمر الان ما اجه يمكن بقى على عشه..
الا ان دخل بس علامه الازعاج والضوجه واضحه على ملامحه..
سجاد :- شبيك اشو ضايج
آمر :- جنت يم اهل نوال ويردون نقدم العرس
عماد :- اول وتالي لازم تزوج اليوم وبعد شهر نفس الشي
باوعت علية عمتي بابتسامة حلوة وردت موجهه كلام آمر..
_بالنسبه لام آمر هي حاجتني تكول خلي يكمل زواجه ليش التاخير وام نوال كالت مسجلين عمره ويضل بالهم على بتهم
أنت تقرأ
آمر لوجين
General Fictionماذا لو اجتمع في مكان واحد.. الحب والموت الزواج والطلاق الثقة والخيانه تملك والكره تمسك والانفصال فـ من يخسر؟! "هل القلب ينبض بعد الموت" "وماذا يحصل بعد گسر الثقة والخيانه" " من هو أقوى الكره ام التملك" والى اي طرف تشد الأحداث كل هذا سنعرفه في م...
