البارت التاسع...
"للتذكير"
بهل لحظه دخل آمر وهو آمبين أعصاب منا شافني كاعده وياهم واضحك
خزرني وكال..
آمر بعصبيه مكتومه : السلام عليكم
الكل : وعليكم السلام
آمر : اشلونك عمي
ابو رعد ( عمهم) : الحمد لله اشلونك بويه صحتك
آمر : الحمد لله
ابو رعد : قبل شويه بذكرك شو ماكو
آمر : جنت بشغل
زياد بشقه : من هذا الشغل الزين
آمر بخزره لـ زياد : اكو ناس الظاهر ما تسمع الكلام
لذلك لازم نشتغل بدالهم..
الكل فهم قصده على كعدتي وياهم..
رجع باوع عليه..
آمر بحديه : بلا زحمه عليج ام آمر اريد جاي
هزيت راسي بـ نعم وكمت احضرله الجاي
واكفه على طباخ ومنطه ظهري على الباب المطبخ
منتظره الجاي
ما احس على صوت همس يم إذني
آمر بغضب وهمس : تكسرين كلامي سهله اشوفج كسر الكلام شنو نتائجه ..
طفرت من مكاني بخوف درت بجهته ما موجود.. نصدمت معقوله اتخيل لا مستحيل
خليت ايدي على كلبي
لوجين بخوف : دخيل يا علي وكع كلبي..
صبيت الجاي ورجعت للاستقبال لكيته ما موجود خليت الجاي على طبله وكعدت يم مجوده
لوجين بصوت ناصي : آمر وين مو راد جاي؟
مجوده بأستغراب : ما اجه الج كال راح اروح ابدل واجي توقعت راح وراج حتى يرزلج
لوجين..
يعني من سمعته ما تخيلت طلع صدك جاي وراي بس شوكت دخل للمطبخ حتى ما حسيت بي ومن همس يم اذني بدون ما يطخ جسمي حتى احس بي
بعدني بصفنتي دخل هو للاستقبال مبدل..
أخذه الجاي وكعد يم عمه يسولف وياه والولد كذلك..
كعدنا احنا بنات هم على جهه نسولف لحد ما ترخصوا وطلعوا..
سحبت نفس بخوف واحد صفن بوجهه الثاني
دخل علينا للاستقبال بعد ما طلع للباب وياهم
آمر بعصبيه وصوت : انييي شكلتتت
أم عبدالله : على كيفك يمه جاا اشلون تبقى البنيه محبوسه بهل الغرفه
عماد : خويه ترى كلنا كاعدين ماكو غريب بينا
زياد : صح مو هذني بنات هم كاعدات بعد شكو معصب
آمر بغضب : حجيت لو ما حجيت بس الظاهر محد يسمع الكلام تريدون العين الحمره
سجاد بشقه يريد يلطف الجو : على اساس شايفين العين الصفره شو دومك أعصاب علينا
آمر بصوت وعصبيه : سجااادد..
سكتت سجاد رجع باوعلي وعاط بيه
آمر : انتِ خلي اشوفج مره ثانيه طالعه اكبال واحد شوفي شسوي بيج وهااا حتلوا هذوله وهو يأشر على إخوانه طلعه لبيتهم ماكو فهتمتيي لو لاااا..
عماد : شنو سالفه خويه قابل احنا غربه
آمر : حتى تعرفون من احجي شي يتنفذ..
سكتنا رجع عاط بينا كلنا
آمر بصوت : فهمتووووااا
الكل : اي..
تركنا وصعد لفوك وهو أعصاب
بس سمعنا صوت باب غرفته نركع قوي من فوك كلها ضحكت
سجاد : هههههههه خرب بيومه طرمنا بصوته
نازك بضحكه : الجهال بعد ما يخافون صار الصوت العالي عدهم عادي
زياد : بس والله صكارنا هههههههه كلها دخلت إنذار
أم عبدالله : جاا اشلون تبقى البنيه لا تشوف ولا تسمع
عماد : الله كريم يلا الوقت تتأخر خلي نرجع للبيت.
مجوده وهي تباوع لـ لوجين : لا اضوجين حبيبه
سجاد بضحكه : أكلوا عسل وانسوا ما حصل..
الكل : ههههههههههه
لوجين : هههههه لا عادي تعودت..
طلعوا بعد ما جهال تعبوا من العب
اخذتهم للغرفه مالتي جوه
قريبه على غرفه عمتي ونضال
نومتهم فتحت موبابل لكيت نور متصله عليه.. اتصلت عليها..
لوجين : مساء الخير
نور : مساء الورد اشلونج شخبارج الجهال اشلونهم
لوجين : الحمد لله اسأل عنج
نور : غاطه بالعسل هههههه انتي وينج ماكو اليوم
لوجين : هههههه شكو اليوم كلها تسولف بالعسل
نور : هاا هاا اني عسلي حسوني انتي شكو يا عسل هذا
لوجين : هههههه عسل العصبيه
نور بتشويق : سولفلي سولفلي شصار اليوم
لوجين :... ( سولفت إله موقف اليوم)
نور : امم متملكك إلى درجه
لوجين : شوفي هاي بطرانه
نور : بداعه حسن وحبه الي هذا يحبج ذاك وينه حبه واضح
لوجين بنفي : لا عيني بس هو مشدد وي الكل
نور : اذا هيج ليش ما منع نضال هم من طلعه ليش بس انتي
لوجين بصفنه: هاا .. هزيت راسي بنفي.. عوفج مني هسه انتي شسويتي اليوم
نور بحب : اجه حسن بقينا سوه لليل الا راح
لوجين : والله انتم خوش ماخذين راحتكم..
نور : غير زوجي وحبيبي وأهلي يدرون بينا نحب بعض محد دخله بينا لو نبقى من الصبح لليل وحدنا محد يدخل بينا بس اخخ من اهله هما الوحيدين رافضين بس فدوه لـ عينه ضارب الدنيا بعرض الحايط
لوجين : ولج حرام ما بينكم عقد انتظروا شكو مخلصيها بالختلات
نور بنفي : زوجيي بعد شكو
لوجين : ما يفيد بيكم الحجي وهذا هم ماخذ راحته
نور : فديته غير عاشگني
لوجين بشقه : هههههه بهاي ما الومج مدري شاف بيج وكاتل نفسه عليج
نور : غير عسل فديتني شحلاتني
لوجين : هههههه اخبال ساعه تتغزل بروحها ساعه بي عشتوو
نور : عشك الطفوله ماما هذا عشگه شي خاص
لوجين بابتسامه : الله يجمعكم سوه
نور بضحكه : آميييين
لوجين : هههههه صدك اشلونه بيبي مشتاقه الها
نور : الحمد لله زينه اليوم ذكرتج كالت لوجينه من راحت للبصره بعد ما ذكرتنا مشتاقه للجهال
لوجين بقهر : يي والله صار ٦ أشهر ما رايحه لـ بغداد مشتاقه لأهلي والكم بس كل ما احجي وي عمتي تحاجي آمر يرفض
نور : عشتوو نبقى بكيف عاشق الغركان.
لوجين : هههههه ذكرتني بالغراب العطشان
نور : هههههه باع هاي الفقيره اني وين احجي وهي وين
لوجين : هههههه يلا ولج خلي اروح انام لا يكعدون الجهال
نور : تمام واني اتصل على حبيبي اسهر وياه
لوجين : هههههه مو قبل شوية سوه
نور بهيام : ما نشبع من بعض
لوجين بضحكه : دروحي ماما خلي انام تصبحين على خير
نور : وانتي بخير..
أنت تقرأ
آمر لوجين
General Fictionماذا لو اجتمع في مكان واحد.. الحب والموت الزواج والطلاق الثقة والخيانه تملك والكره تمسك والانفصال فـ من يخسر؟! "هل القلب ينبض بعد الموت" "وماذا يحصل بعد گسر الثقة والخيانه" " من هو أقوى الكره ام التملك" والى اي طرف تشد الأحداث كل هذا سنعرفه في م...
