البارت الرابع والعشرون..
هلكد يحبك هالگلب ياحظك وهنيالك 💕
------------------------------
كاعده بأجواء الحنه وأصوات الغناء
ناس تسولف وناس تضحك..
كانوا كل شخص يعبر على مدى راحته بهل مناسبه
عينه علية بكل حركه اخطيها
تنهدت بقهر مو هذا الشخص الي تمنيته ابد مو هو
فزيت من صفنتي على كلام نازك
وهي تكول بضحكه..
_ يمه يمه اكلج اكل بنضراته
ضحكت على طريقة كلامها
رفعت راسي يباوع عليه بتركيز وابتسم على ضحكتي
نزلت براسي بخجل مو هاي العيون أريدها..
ورديت عليه بضحكه بيها قهر وحسره..
_ هسه يجي صكاره
رجعت بذاكرتي للخبر كسر كل جزء بيه
وحطمني
طلع عماد من الاستقبال
نزل راسه وكال..
_حددو العرس الخميس الجاي
شهكت بصوت مثل شخص نسحبت روحه..
_شنوو
مجوده فتحت حلكها..
_صدك
_ والله ابوها ما انطى مجال يحجي
ليش ماخر العرس واذا محتاج فلوس
اني انطيك..
امي كالت..
_عنده خير من الله
_ بعد ميحتاج التاخير مو هذا الخميس اليجي العرس يعني بعد ثمانيه إيام
انصدمت وانا اذكر كلامه ..
شلون يحجي افصخ ويحب وهسة حدد العرس !
مجوده تباوع عليه بقهر..
مشيت بروح تعبانه للغرفه
بقيت افتر على نفسي بتفكير
اريد اجذب السمعته آمر يتزوج واني؟
وآلله العظيم جان بقيت بسكتي بس هو عترف هو
املني وكال..
_اريدج
شلون يحدد الزواج !
معقولة يجذب كدامي شكل !
وكدام اهل خطيبته شكل !
جان كال الهم..
_ما اريد اكمل هذا الزواج
ليش ماحجه شلون انطاه كلبه يكسر كلبي
نزلت دموعي بقهر..
دخلت عمتي اني افتر بالغرفه اريد استوعب كل سمعته..
_والله خلو امام امر الواقع والله راد يطلع
من السالفه بس ما انطوا مجال
حتى كالهم خلي فتره يجوز ما نرهم سويه
بس ابوها وامها كالوا..
_البنيه تعلقت بيك اذا ما عندك فلوس احنا
ننطيك..
تعذر وتتحجج بكلشي
بس لزمو من ايد لتوجعه..
وهما يكولون..
_صار موقف قسمتها
شكد هسه جاي تكول ماترهم عمي الناس اكلت وجهنا واحنا عاذرينك نكول فواتح بس هسه مالك حجه..
والله مابيده شي..
كعدت عمتي بتعب بعد كلامها
أنت تقرأ
آمر لوجين
General Fictionماذا لو اجتمع في مكان واحد.. الحب والموت الزواج والطلاق الثقة والخيانه تملك والكره تمسك والانفصال فـ من يخسر؟! "هل القلب ينبض بعد الموت" "وماذا يحصل بعد گسر الثقة والخيانه" " من هو أقوى الكره ام التملك" والى اي طرف تشد الأحداث كل هذا سنعرفه في م...
