آمر لوجين

Part 20

البارت العشرون..

# ## #

لوجين..

"خُذني إليكَ فكل شيءٍ موحشٌ
‏حتى المسير بلا يديك كئيبُ
‏كل الدروبِ إلى لقائك أُغلقت
‏يا بؤسَ قلبٍ لا يراكَ تجيب"

------------------

_ اتصلت عليه ام كاظم اقاربنا من الناصرية

_ وشنو تريد

_ أبنها شايفج ذاك اليوم من اجو بالباب وعاجبته
ما يهون عليه هل الكلام اكوله بس يا يمه بعدج اصغيره..

_ بس انا ما اريد
اريد اربي دمعه و آمر واكعد واسكت

_ الولد متكفل يكول اعتبرهم مثل ولدي وأكثر وما متعاجز منهم فكري وبعدين رجعي جواب
صح ما يهون عليه تبعدون بس ما اريد اخليج بركبتي وانه ما باقيه الكم العمر بيد الله..

_ اسم الله عليج العمر الطويل ان شاء الله

_ بس عمه آمر اذا عرف يكلب الدنيا علينا
تعرفين بي انتِ

_ الوقت الحالي لوجين تفكر واي كلمه ما تطلع للولد علما تخلص سالفة عماد فهمتن؟

عمتي تحجي وياي بس مقهوره..

الحزن واضح على ملامحها
نبهت علينا محد تحجي علما تخلص قضيه عماد
لان عرفو عمام الولد ..
دزو اكوامه والناس اخذو عطوه رغم ابنهم مكتول بتهمه..
بس حسب ماكال شيخ عشيرتهم..
_الولد يتيم ومنجرف وره ناس عصابات وشرب وبما ما يرضى الله..
وقبل فتره هم مسوي مشكله وعمامه متبرين منه ومن سمعو مكتول كالو..
_كل احنا ندري هاي نهايته. 
لو مكتول لو مسجون..

مر الايام  بهدوء وبالنسبة اليه ما فكرت لان مستحيل اقبل..

يوم الفصل..
نصبو جادر جبير بالشارع
لان اجت عمامهم حتى اهل الناصريه وخوالهم

عماد صار احسن واكف وياهم..
اجت ناس اهوايه وشيخ العشيره..
صار غداهم عدنا ذبحوا ذبايح..
بس احنا ماعلينا بشي هما ذبحو وجابو طباخ..
وجابو كهوجي وكلشي رتبوا..
اجن نسوان عمامهم وخوالهم والولد كلهم متحضرين وعمتي خايفه..
من الولد لان سجاد يهدد ومعصب يريد حق عماد

كمل الغداء..
وصارت ضجه من كالو..
_اجو
الشارع انملئ وهو كله سياره اقاربهم

-------------------

عماد..

بعد كعدة العشائريه الي صارت..
عمام الولد متبرين منه
كال رجال جبير بيهم..
_جاين نعتذر منكم وشتردون احنا ركابنا سداده
وابنه هو غلطان..