آمر لوجين

Part 19

ألبارت التاسع عشر..

# ## #

آمر..

‏لن تجد الهدوء أبداً إن كان مصدر الضجيج أعماقك. 💜

كاعد بالدوام..
اتصل موبايلي رقم عماد..
فتحت خط ردت احجي اجاني صوت غريب عليه
مو صوت عماد..
وهو يكول..
_ مرحبا خويه انت أمر اخو عماد..

رديت علية بتسائل..
_ نعم انه آمر انت منو عماد وين..

رد عليه باندفاع
_اني صديقه
وعماد تعترض للقتل من قبل شخص مسلح..
ونضرب طلقات بالمكتب..

فتحت اعيوني على وسعهن بخوف..
رديت علية بقلق
_ عايش..

رد علية..
_اي بس نقلنا للمستشفى..

فصلت الخط بعد ما أخذت العنوان المستشفى متوجهين عليها وطلعت بسرعه

كلبي يرجف على أخوي كلشي ولا اهلي..
اتصلت على زياد..
رد عليه مباشرة..
_ هلا خوية..

رديت علية بقلق..
_ مكتب متعرض للسرقه وعماد مصاوب..

رد علية بخوف..
_ لاا دخيلك اخيي اشبي..

رديت علية..
_ صديقة يكول عايش..
تعالي بسرعه للمستشفى **

_ تمام طالع للمستشفى..

_وخابر على سجاد ولد عمنا بسرعه..

فصلت الخط واسوق بسرعه..
اريد اطير واوصل إله..

رجعت اتصلت على الولد..
_ وين وصلتوا اشلونه عماد..

_راح نوصل للمستشفى..

رديت علية ودمعة بعيني احاول أقوي نفسي..
_ عليك الزهراء كول عايش

رد علية باطمئنان..
_والله عايش

يلا وصلنا للمستشفى..
وفصل الاتصال..

صرت اسوق بسرعه اكبر لحد ما وصلت..
دخلت اركض..
وادور بالوجهوه عن اخوي..
سمعت ولد صاح آمر..

درت وجهي ورحت بجهته
كتله بخوف..
_ها وينه..

رد علية..
_بس وصلنا اخذو من ايدينا
بس عرفو طلق ناري دخلو عمليات بسرعه..

طلع دكتور واحد من دكاتره
ركضت علية..
سألته بقلق وخوف
_ اشلونه انا اخوه

رد بجديه..
_ الطلقة مخترقه بطنه مسببه نزيف داخلي

كعدت بالكاع حيلي مهدوم
اشوف سجاد اجه من بعيد بتجاهي..
عيونه دم باوع عليه وكال بهضمه ..
_ اشلونه