البارت السابع...
"للتذكير"
فتحت اعيوني على وسعهن واني اشوف
بنيتي بالكاع لا تحرك لا ايد ولا رجل والدم بكل مكان..
جمدت مكاني ما اعرف شسوي احس رجلية بعد ما تحملني واركض لـ بنتي صرخت صوت وركض الها شلتها بحضني ودم بكل مكان
مو دموع تنزل على خدي لا مو دموع احس مثل نار تحرك بيه
على وضعي هذا آمر صار يبجي كمت واني شايلتها احس فاقده ما اعرف شنو اصرف
آمر يبجي وراي واني منهاره واكفه بشارع واصيح بأعلى صوت..
... يمه بنتي ماتتت..
كلها لحظات ما اعرف أشلون مرن
استوني جنت واكفه اشتغل واسمع ضحكتهم وهسه بنتي بين اديه لا حركه ولا نفس
جانوا اكو ولد جيرانا كاعدين يم باب
من شافوا حالتي اجوا يركضون واحد بيهم أخذها من ايدي وكف تكسي
وثاني ركض للبيت أهلي
صعدت بسياره طلع ابوي يركض من البيت ويدك على رأسها ويصيح ماتت بت العالم
صعد وياي بالسياره وهو يصيح
_ ولجججج اشبيها
واني فاقده بس اصيح ماتت بنتي
الولد خطيه مخليها بحضنه ويضرب بوجها يريدها تتحرك وهي ماكو فاقده ولا حركه
فقدت بزايد كمت ابجي ولطم على وجهي واني اباوع عليها ملامح وجهها مو واضحه عباره عن دم راسها بس يجري دم
جسمها ناعم مغطى بالدم..
كام يدك ابوي على رأسها ويبجي ويصيح
ابو لوجين : ولج بس فهميني اشبيها قبل شوي شحلاتها تلعب..
كتله بصوت مبحوح من صياح والبجي
لوجين : صعدت وطاحت من فوك
ابو لوجين بعصبيه وقهر : خلي يفيدج التنظيف بعد منو يفيدج بعد
شوفيها اشلون روح ما بيها محافظتي عليهم
الله يطيح حظج راحت البنيه ولج شكول
لـ عمامها..
نهاريت واني اسمع كلامه باوع عليها ابجي واشهك..
وصلنا للمستشفى نزلنا بسرعه أخذوا دكاتره
خلوها على سديه ويضربوها راشديات يردون بس تصحى او تتحرك
دكتور : من وين طايحه
ابو لوجين بقهر : من الدرج
دكتور : الحجي البنيه فاقده واذا بقت هيج
مو واعيه مو زين عليها واذا صحت وتقيأت هم مو زين راح نخيط راسها والله كريم لان الجرح الي براسها جبير..
اجوا سجاد وامي وعمي وكفوا يمنا اخذوها يسون اشعه وسونار وتحاليل
شكلوا مغذي الها وهي فاقده
وكفت يمها واني فاقده مصدومه اريد بس استوعب الي صار..
كل شويه يجي احد يمي يلمون بيه ويروحون واني بس صافنه عليها
أم لوجين بدموع : ليش هيج يا يمه هسه ارتاحيتي من صار حال بتج هيج شنو حصلتي
سجاد : اشلون تعوفيهم جوه ما خفتي عليهم
ابو لوجين وهي يبجي : هسه ارتاحي سمعوا عمامهم وجايين بطريق ولج مو وكفنا وياج وبقيتي يمنا على مسؤولينا ولج هاي بت عالم مو بتنا شنو تكولين الهم جنت انظف وصعدت وراي...
دموعي تنزل بهدوء وصافنة بكلامهم وعيني عليها
أشلون راسها ملفوف..
دخلوا عيالي متخبلين عليها أعصاب صايرين
عمتي تبجي
دخل حماي الجبير وهو نار من العصبيه
شاف حالتها تخبل بزايد
بعصبيه وصاك على اسنونه _ أشلون صار هيج بيها
ابو لوجين بجي : جانوا عندي يلعبون بعدين رادوا امهم جانت تنظف ابيتها وديتهم الها وهناك دمعه صاعده على درج وطايحه (دك على رأسه وزاد بالبجي) اني صوجي لو مخليهم يمي..
وهو سمع كلام بابا
كال ونار تطلع من اعيونها..
_ لا حجي مو صوجككك صوجيييي انيييي مخليهم جهااال المرحوووم يم زعطوووطه بس خلييي تصحى تحلممم اشوفهممم والله مووو محامييي لا عشره اخلييي واخذهممم واسويهااا كعدات عشائررر عمي هي مووو كددد مسؤولية كل فتره ومسووويه مصيبه أخذهممم وخلي تشوووف حياتهاااا
جهالنااا نريدهممم..
ابو لوجين بقهر : حقك عمي بس خلي تصحى اني بيدي اجيبهم الكم والله العظيم احنا ممقصرين وياهم بس هذا حظ بنتي شسوي..
كل هذا واني واكفه ولا حرف حجيت بس دموع تنزل
جنى واكفين بطوارئ
فجأه جهاز يم دموع صار يطلع منه صوت
دكتور صاح على ممرض
دكتور باستعجال : نبضها صار ضعيف لازم ننقلها على الإنعاش بسرعه..
جسمي كله رجف واني اشوف بنتي منتهيه
جمدت مكاني لا بية ابجي ولا بيه اصرخ
كل يدور بعقلي بنتي راحت مني بسببي
اجوا اخواني يمي صاروا يحجون عليه من شافوا حالتي هيج سكتوا
عمتي صارت تنعه وتبجي
أم عبدالله بدموع : وينك يمه عبدالله تعال شوف بنتك شصار بحالها..
صارت تبجي بزايد وتصيح راحت بت العزيز..
كامت تنعى على عبدالله واشلون جهاله من ريحته
حمويني من شافوا عمتي هيج تخبلوا بزايد
يمكن لو اصير بيدهم ما ابقى عايشه
دخلنا بإنذار طول ما دمعه بالانعاش
طلع دكتور كلها ركضت عليه كال
دكتور : طفله نبضها ضعيف بسبب القفص الصدري متأذي من وكعة وفطر بضلع اندعولها لحد ما تستقر حالتها..
راح الدكتور والكل وجهه نظراته عليه
عماد وهو نار من العصبيه : ولجج انتيي هم حاسبه نفسج ام اشلون تعوفين طفله وحدها
زياد بعصبيه : صوج بينا خليناهم عندج وانتي مو كد مسؤولية
سجاد بقهر وصوت : شنو حصلتي من التنظيف هاي بتج راحت من اديج
_بصوت عالي وصاك على أسنانه من العصبيه : اذاا صارر عليهاااا شييي حسبي ربججج مااا خلقجج..
أنت تقرأ
آمر لوجين
General Fictionماذا لو اجتمع في مكان واحد.. الحب والموت الزواج والطلاق الثقة والخيانه تملك والكره تمسك والانفصال فـ من يخسر؟! "هل القلب ينبض بعد الموت" "وماذا يحصل بعد گسر الثقة والخيانه" " من هو أقوى الكره ام التملك" والى اي طرف تشد الأحداث كل هذا سنعرفه في م...
