البارت الخـامس والعـشرون..
____•~•🦋____
"وما الليل الا محطة
تستريح بها روح هاربة
من جسد متعب 🥀
---------------------------------
"للتذكير"
رجعت كررت كلامي بخوف ودمعة بطرف عيني
وانا اباوع للوجوه تغيرت
_ الو آمر تسمعني
_ شتردين
_ آمر يسال عليك ما يقبل ينام
سمع صوته آمر رفع راسه من حضني
وكال بنعاس..
_ بابا
فتحت مكبر صوت حتى يحجي وياه..
_ها حبيبي
_ بابا تعال اريد نام نعست
جر نفس وكال..
_نام يم ماما باجر اجي
رديت عليه مباشرة باصرار واندفاع
_ ما يقبل يريدك وين بايت
_وانتي شعليج مو تردين ترحين وين ما انام ميخصج
حسيت عليه معصب ردت شويه اسحب غضبه
لان يحجي بعصبيه..
حجيت بغيض..
_خاف يم وحده
_لا اثنين مو وحده
ضحكت لان يحجيها باستهزاء
_والله فايخه تضحك فوكها
_هسه تجي ابنك ما يقبل ينام يم احد غيرك
_ احسن من امه عاد متعلق بيه مو مثلج كل شوية وكلني اريد اروح
_كافي آمر تعال اريد انام
_ اخخ
_ والله نعست واريد انام وابنك ما يخليني
_ عبالي تكول تعال انام بحضنك
_ شو تحجي بسخافه
_ لو الزمج اشوفج السخافه شلونه
سكتتِ وعمتي هزت ايدها على كلامنا
الولد طلعوا من الغرفة راحوا لبيتهم لان وقت حيل تأخر
هو هم سكت قطع سكوته وهو يكول
_ هسه اجي جوعان سويلي اكل
_ شنو مشتهي
_ بكيفج
تنفست بعمق سديت الموضوع وحتى عمتي والولد ما فتحوا الموضوع
رغم جنت مقهوره بس من سمعت لا سامح الله يصير بي شي كلبي كام يوجعني
كلشي ولا آمر
شكد قاسي وياي بس ولا مره قصر عليه
او على جهالي
ومن اتصلت عليه سمعت صوته شلون يحجي اريد بس يجي واشوفه ما بي شي
وبقيت يمهم رغم عمتي هم حجت وياي
وكالت بالحرف واحد..
_عمه لخاطري لا تقهرينه
بس وان ما كالت اني راح اسكت
كمت حضرت اكل إله
علما اجه
دخلت للغرفة لكيتها مخلي آمر بحضنه ويبوس بي يسولف وي عمتي..
اول ما دخلت رفع راسه علية
صفن بعيوني لحظات
أنت تقرأ
آمر لوجين
General Fictionماذا لو اجتمع في مكان واحد.. الحب والموت الزواج والطلاق الثقة والخيانه تملك والكره تمسك والانفصال فـ من يخسر؟! "هل القلب ينبض بعد الموت" "وماذا يحصل بعد گسر الثقة والخيانه" " من هو أقوى الكره ام التملك" والى اي طرف تشد الأحداث كل هذا سنعرفه في م...
