البارت الثاني والعشرون..
سـآلوني لمـآذآ تبگين گل هآذة آلدموع لة
فآآجبتهم هو آلشـخصـ آلوحيد آلذي بگيت علية وليسـ مـنة .
_ أطياف الدليمي
-----------------------
لوجين..
نايمه والمغذي بيدي
بروح يأسه منهارة من كلشي ما اريد
لا اكل ولا شرب بس اريد شي واحد
صوته وصورته..
غمضت عيوني
بتعب
بقهر
بوجع
بألم
بحسره
هذا حال منو تتوقعون ؟!
صفنت باركان الغرفة وانا اذكر اخر يوم نحرمت منه
وعرفت معنى اليتم
رجعت بذكرياتي
لليوم دخلت بي للغرفة على صوت موبايلي..
انتبهت المتصل امي..
رديت عليه باشتياق
بس صدمني صوتها مبحوح من كثر البجي وهي تكول..
_ يمه لوجين لحكي ابوج حيل تعبان
انطفى كلشي بعيوني وانا ارد عليه بخوف وقلق
_ اشبي ابوي؟
_ يشكي من گلبه اخوانج أخذوا دكتور أخصائي يكول دكتور..
_گلبه تعبان ومتجمع ماي على صدره
نزلت دموعي بخوف كلشي ولا ابوي حنيته تسوي عندي آلدنيا..
طلعت بخوف من الغرفة دخلت لغرفة عمتي..
_ عمه حبابة اريد اروح لاهلي..
_ بسم الله الرحمن الرحيم اشبيج يمه وجهج ما يتفسسر صاير شي
_ ابوية مريض وحيل خايفة علية.
_ ان شاء الله ما عندة غير العافية
هسة احجي وي آمر بس يجي
هزيت راسي بانتظار وخوف ياكل بگلبي
راحت تتصل علية لان طالع..
دقائق ورجعت من ملامحه وجها فهمت الجواب..
_ ما قبل والله حجيت وياه
قافل
رديت عليه بهضمه
_ وابوي
_ ان شاء الله ما بي شي
سكتت بس بقيت اتصال وي امي
ونفس كلام تكول تعبان
ثاني يوم كعدت الصبح ريكت الجهال
وهو نزل يريد يطلع لدوام بقيت ساكته
اكل وطلع
للظهر اجه من الدوام
هو متعود ينام الظهر ب٣ ساعات هيج
صعد ينام
والجهال تلعب
بقيت كاعده بضوجه
مرت ساعه نزل مستعجل
ودخلت للغرفة عمتي كاعدة بيها اسمع يكول الها
_ حضري نفسج انتِ وأم آمر نروح لبغداد يومين ونرجع نشوف ابوها
والجهال خليهم يم بنات
طفرت من مكاني بفرح ممصدكه جاي اسمعه
اتصلت على امي ابشرها راح اجي ما ترد
عفتها وبدلت على سرعة بعد ما اجت عمتي أكدت الي سمعته
أنت تقرأ
آمر لوجين
General Fictionماذا لو اجتمع في مكان واحد.. الحب والموت الزواج والطلاق الثقة والخيانه تملك والكره تمسك والانفصال فـ من يخسر؟! "هل القلب ينبض بعد الموت" "وماذا يحصل بعد گسر الثقة والخيانه" " من هو أقوى الكره ام التملك" والى اي طرف تشد الأحداث كل هذا سنعرفه في م...
