آمر لوجين

Part 18

البارت الثامن عشر..

        # ## #.

صوتك لو بيدي ما اخلي احد يسمعه..

لوجين..

دخل عماد..
وبيده ابنه جانت غفران ولاده جديد..

رفع الطفل وكعده بحضن عمتي..
سالته بعد ما بسته وحضنته لكلبها..
_وين مرتك

رد عليها..
_جايه وراي

صبيت جاي وهما يسولفون على الشغل
بعدها كل واحد راح لشغله..

بلشت انظف بالبيت..
ونضال تغسل بالاماعين
سويت غداء وجهال تلعب
دخل آمر صار ركض علية
تلكوه وهو يبوس بيهم صبينا غداء

اجوا زياد ومرته كذلك صارت كعدة اهل..
والجهال كلها متجمعه على آمر وي دموع وآمر
وهو يضحك عليهم ويبوس بيهم..

البنات يشاقن وي آمر..

انتبهت على صوت عمتي وهي تكول..
_ها كرار شو صافن..

باوع علينا وكال بصفنه وهو يرجع يباوع على آمر..
_عمي تغير من يشوف الجهال قبل كم يوم جان ضايج هسه يضحك ويشاقه

كالت عمتي بتنهيدة..
_الله يريح باله

بعدها باوعت علية وكالت بصوت..
_يمه آمر وانت شنو سالفتك

عكد حاجبه باستغراب
_ سالفه شنو

ردت علية بحدية..
_خطيبتك لا تسال عليها
بنت الناس ربطتها وخليتها لا تروح تسال عليها لا طلعها..
حتى مخابره تكول..
ميخابر

كال بعصبيه..
_شنو تردين افرفر بيها

ردت علية بتنهيدة
_ لا تفرفر بس اسأل عليها خصص يوم تروح تسلم على اهلها
تكعد يمها هم حقها تريد تحس خطيبها يهتم بيها وكمل نفسك..
عمامك ميكولون شي اذا تريد تزوج

كال استهزاء..
_ دافنين فرخ جاهل وتريديني ازوج

بعدها كمل بجديه
_ صدك تحجين شتكول عليه الناس

ردت بحيرة..
_ما تكول شي بس ياخوفي كل هذا التأخير حجه علمود تأخر الزواج..

كال بعصبيه..
_شبيج يمه بكيفي
غير عيب من عمامي
واذا حجت لو شكت مني اطيح حضها
هذا الموجود تريد متريد بكيفها
مضلت بس النسوان يمشنا
وهل تشوفين من الدوام انام ساعة واطلع للولد شسوي جاي العب..

زياد راد يهدي الوضع كال..
_ على كيفك آمر هم اسال عليها ميخالف..

سكتت ما رد عليه وكام متعصب صعد لفوك..
وهو ضايج