آمر لوجين

Part 17

البارت السابع عشر..

# ## #

المشكلة ليست فقط برحيلهم ...
بل بتفاصيلهم التي رفضت أن ترحل معهم💔

آمر..

حسيت نفسي دخت
وانا اشوف ضوء السيارة مقابلي قوي يضرب بالعين بسواد الليل..

ما اعرف أشلون سيطرت على سيارة وصرت على جهه وسيارة مقابيلي طلعت طول..
الا شوية اروح بيها بس رب العالمين ستر عليه..

لحظات ذكرت دعوتي بالامام علي ع
وانا ادعي على نفسي بالموت
صفنت واعيون مليانه دموع وانا اباوع لفوك لرب الكون..
_ هاي النفس يا ربي شكد عزيزه نكول نريد الموت بس بهل لحضة دورت نجاة نفسي
بكلشي تكتب النا بي حكمه واليوم علمتني درس
ما ادعي على نفسي بما تكره..
لان انت خالقها وانت تأخذها بأمرك..
وانا مجرد اصون الامانه واحافظ عليها
الحمد لله على كل حال..

مسحت وجهي وانا اطلب المغفره من الله
َورجعت شغلت سيارة وانا انطلق للبصره..

بعد طول طريق استمر ما يقارب خمس ساعات
بين البصره والنجف..
وصلت وانا لا ماكل ولا شارب
من يوم طلعت من البيت الان

دخلت للبيت اريد بس انام..
صعدت للغرفه ردت بس انام بس عيني ما تاخذ نوم لان شفت بعيون امي عتب..
تمددت وانا بصفنتي ودك موبايلي..
شفت رقمها ما صدكت احس حياه رجعتلي..
رديت بلهفه..
_الو..

اجاني صوتها مبحوح من البجي..
وهي تدعي وتحجي بحركة گلب..
نار شتعلت بكلبي وخاصه من سدت الموبايل بوجهي.
بدون ما تنطي مجال احجي..

خابرت متجاوب..
بقيت انتظر ماكو
اخر شي..
نزلت لامي كتلها باستعجال..
_خابري ام لوجين..

وصدك ما كالت لا اتصلت عليها ردت..
بعد سلام سمعت صوت آمر لو ميت ولا سامع النشغه تطلع منه..
بقيت اقنع بي بس ما يسكت..

بقيت ادور على نفسي بقلق وخوف الف حسبه بالي..

للصبح اتكلب ما اكدر انام.. 

صار الصبح اخذت امي وزياد ورحت..
كلت لو ابوس ايد ابوها بس خلي يرجعهم..
هي كالت..
_تعال أخذهم..

بس شلون هي تبقى مااشوفها لا هاي يعني موت على بطيء..

طول الطريق يحجون وياي واني بالي وين للماخذه كلبي..
وصلنا لبغداد والناس ماقصرو من الباب
يرحبون بينا..
وشفت حبيبي شفت نظر عيني وليدي
حضنته بقوه وهو ميقبل يتركني..
يده من ركبتي
كعدنا وكلهم يكلوله بس وخر ايدك خنكته وهو ميقبل حضنيي أقوى..
امي تحاجيه وزياد بس ابد موخر كتلهم..
_عوفو اسولف وياه..