آمر لوجين

بارت هديه.. (مشاهد)

مرحبا كلبي..

شخباركم ان شاء الله بخير..
على طلب احد متابعات واكيد احترمه
اليوم اجيتكم..
بارت هديه لهل وجهوه الحلوة

أقروا ويايه..
في مشاهد من المستقبل ..

مشهد ١..

افتر بالغرفة بقهر من تصرفاته وكلامه..
والتفكير موتني واني اعرفه كل كلمه يكولها ينفذها..
بس لازم اوكفه عند حده..

اتصلت على اخوي كال جاي بالطريق هو وأمي..
غمضت اعيوني..
واني احس بألم بطني موتني..
بقيت متمددة واني اذكر كل كلمه كلها..
واشلون صدكها وجذبني..
فزيت من صفنتي..
واني أكوم من مكاني..
على صوت باب واسمع عمتي ترحب بيهم..
بنفس لحظه..
ما اشوف الا الباب غرفة نفتح
ودخل علية وسد الباب وراء..
وهو اعيونه نارر من الغضب..

تقرب علية وهو يدفعني على حايط..
صاح بوجهي بعصبيه ..
_ انتي خابرتيهمم..

رديت علية بقهر..
_ يي قابل ابقى مدمغه الك ولمرتكك

وتقرب علية ولزمني من ركبتي..
يخنگ بيه...
وهو اعيونه ناطه من الغضب..
كانوا وحش أكبالي تحول جذرياً..

كال وهو يضغط على كل حرف بعصبيه..
_ عبالججج تلوووين ايدييي..
لااااا انتيييي ولاااا عشرررره من امثالجججج..
تهمنييييي...
انعللل ابو كلبييي لـ حبججج..
والله الاااا اخليججج تتندميييين...
شفتينييي احبجججج..
كلتييي...
خلييي اسيطرررر عليـــه..
ادووس على كلبيييي بـ حذائي ولااا يذلنيييي..
فهمتيييي..
الجهاللل يبقووون..
وروحييي انتييي وحدججج..

انيي من الحمل مختنكه والم بطني موتني..
من كوه واكفه على رجليه وهو بكل حرف..
يزيد ضغط اصابعه على ركبتي..
احسس الهوى ضاع عليييه
وهو ولا مهتم يزيد ما ينقص..

نزلت دمعه من عيني بقله حيله..
وغمضت اعيوني مستسلمه للظلام..

& ________________&

مشهد ٢..

كاعده بالغرفة واني أشهگ من البجي..
ليش هيج صارر تغيرت حياتي بلحظات..
وين جنت غافله..
ليش هيج سوة وياي..
ليش ما صبر..
اخخ يا ربي شنو الحكمه من قضائك
بعد هل السنوات هيج يصير..
فزيت من دوامه أفكاري على دگت الباب..
اجاني صوتة..
وهو يبجي..
حاله مو ارحم من حالي..

كمت من مكاني بعد ما سمعت صوته وهو يبجي ويتوسل حتى افتح باب إله..
بعد ما حرمته من شوفتي خلال هل أشهر..

فتحت الباب..
واني منهاره من صدمه..

رفع راسه بالهفه ودموعه على خده..
راد يحجي قاطعته واني اكول..
بعتب ودموع..
امسح دمعه ..
تطيح بدالها الف..
_ هل هسه انيي حامل ليششش ما انتظرت هاااا ليشش خربت حياتنااا..
ليشش ما تحملتتت سنـــه بعددد ليششش..

طحت بالكاع واني منهارة صار أشهر على هل حال..
كل يوم انهار واني اذكر كلشي صاررر..

ركض عليه وهو يحضني بقوه ويبجيي..
دفعته..
ما يقبل يتركني..
بقيت اضرب على صدره واني اصيح بصوت..
_ ليشش هيج ليشش ولكك ضيعتني لا انيي اكدر ارجع الكك ولا انيي اكدر ابعد عنككك
ليششش..
ما اكول غير الله لا ينطي امك ولا ينطي اهلكك..

سحب راسي لصدره..
وهي يمسح عليها يحاول يهدئيني..
_ اشش كافيي خلي يولون بس كوني انتي بخيرر ما اريدد شيي..
كمل كلامه بقهر..
_والله تعاركت وياهمم..
امي بعد ما احجي وياها واخوي طلعت ضيمم كلبي بي..
ملامح وجهه بعد ما يعرفها..
وهي راح اطلكها خليها يمهم ما اريد شي غيررج
بس انتيي..

& _______________&

مشهد ٣..

جنت طالع وي ابوي وعمامي متعود بالعطل اطلع وياهم للشغل..

دخلت للبيت..
واني ضايج صار فتره ما شايفة
مهد اخر موقف بينا..
دخلت من باب صالة فتحت اعيوني بصدمه واني اشوفها نازله من درج...
افيش شكد مشتاقة الها..
رفعت راسها صارت عيني بعينها..
بس اخخ يا نظراته تموت كلها خوف...
رادت تصعد ركضت بسرعه كمشت ايدها..
رجف جسمها..
معقوله هلكد تخاف منييي !
حاولت أهديها
كتلها..
_ على كيفج ما اسوي شيء لا تخافين

هدئت سحبت نفس واتمنى اشم عطرها..
رجعت كملت كلامي بزعل
واني اباوع لملامحها..
_ حلويات تاخذيهن بس اني ما تحجين وياي..

ردت عليها بصوتها هادئه وخوف واضح عليه..
_ اريـ د ارروح لـبيت..

_ تمام انه اوصلجج

بقيت لازم ايدها هي تحاول تسحبها واني لزمها أقوى..
مرتاح على وضعية لحد ما وصلنا باب بيتهم..

رادت تدخل كتلها بتحذير..
_ بعد اذا ادخل وشردين ازعل عليج اني ما ردت الولد اشوفج وانتي تضحكين بنص الشارع..
وهاا من وراج هم حصلت راجدي..

ردت علية بخوف..
_ والله بعد ما ضحكت..

ابتسمت بوجهه وكتلها..
_ يي عفية ما اريد احد يشوف ضحكتج غيري..
ضميها اليه وبس..

&__________________&

تدري شكد صعب حلمك يعيش الغير

اقتباس من احد المتابعات توصف حال الابطال 👆🏻
شكرا من أعماق قلبي على تفاعلج وتعليقاتج..

همم وهسه نرجع..
شنو رائيكم بالأحداث

منو يتوقع الأحداث الجايه ؟ !
ومنو هل شخصيات الجدد ؟ !

كل هذا راح تعرفوا معي انا
و بقلمي : الكاتبه لافندر 🤍🫀

في قصه " آمر لوجين"