آمر لوجين

Part 32

البارت الثاني والثلاثون..

___❤️____

أولئكَ الذين يُخبئون الزَّهر في كَلماتهم وفي أعينهم، ثمَّ يَبعثون بها لِقلوبنا، كَيف نَقول لَهم شكرًا؟"✨

-------------------------------

آمر :- اشبيها احجي

نوال :- شبيك بس سمعت بيها تخبلت

اباوع لمجوده ساده حلكها لان هو يريد يسال وهي تكول..
_مابيها شي

آمر :- شبيها

مجوده :- ماكو شي سلامتك

ما سمعنا الا نترر بصوت..
_احجي اجر الحجي جر منج

بلشت مجوده تسولف الحاله وزدت شويه بهارات وهو منفعل..
_ليش محد كلي

مجوده :- انت رايح تزور ما رادو يضايقوك يله ابو آمر اريد اشوف المغذي خلص

فتحت اعيوني بصدمه لان مغذي من زمان مكمل
راد يحجي فصلت الخط

_شنو راح يصير

_ نشوف حب استاذ آمر

قطع كلامنا صوت اتصال من موبايل عمتي
وحدة باوعت لثاني واحنا نسمع كلام عمتي وي آمر آمبين من نبره كلامها معصب ويحجي بانفعال..

سكتنا واحنا نسمع كلامهم من طرف عمتي بس..
_ما بيها شي لايضل بالك....... والله وروح ابوك هل مدده...... لا المغذي شايلينه..... لا تجي كمل زياره وتعال..... غير ماردنا نشغلك..... بس نكلك ترجع والله دايرين بالنا..... هلأ بيك

سدت الموبايل ودخلت للغرفة وهي تباوع على البنات..
_يا هي منجن خابرته

ضحكن البنات..
_ خليتنه يصركع

مجوده :-  راح يجي

أم عبدالله :لا طالع لبغداد يزور ويبات ويجي

س

كتت بضوجه بس ما حجيت حضرن بنات عشاء

لان جانت الدنيا المغرب
وشربت العلاج وبيه منوم مباشرة نمت
تركت عمتي تنوم بآمر ودمعه بصفها ما تقبل يجون يمي تكول خاف يضربوج..

ما اعرف شكد من الوقت بس حسيت نفس بركبتي وياخذ نفس عبالك راح يخلص الهواء..
_ خليها نايمه خطيه لا تكعدها