البارت الحادي عشر..
#### ####
"للتذكير"
باوعت بوجهنا ونزلت دمعه من عينها كلها اختفت ابتسامتها...
نور : اليوم قروا فاتحه
الكل بصدمه : على منوو
نور بدموع وفرح : على حسن
لوجين بفرحه وتكوم تحضنها : واخيرااا يا عمري الف مبروك
اشجان : ههههه يروحي الف مبروك تستاهلون كل خير بعد تعب والله
أم لوجين : ياا ولج ليش تبجين وكعتي كلوبنا
نور : هههههه ما مصدومه لسه هههههههه ما مصدكه
صادق : احتركت الباميه كون
نور : هههههه ولي كتلك اليوم ما اتعارك وي احد مزاجي حلو..
اشجان : يي شوكت العقد
نور : بعد بعد أم زوجي العزيز..
بعدها ما قانعه كوة عليها اليوم قروا الفاتحه
كالوا منا شي ٤او ٣ ايام الا نعقد
ام لوجين : بيها الخير ان شاء الله..
حتى تجهزين على راحتج للعقد وهو هل المناسبات مره بالعمر..
نور بفرحه : يي اكيد
لوجين : بيبي وينها مشتاقتلها
نور : هههههه عفتها وراي اني سويتها طيارة ما اصدك شوكت اوصل
سجاد بشقه : اكول تكسر الباب
نور : لا كلبي كولوا انتم سنه الا تفتحون الباب...
اشجان : طارت الجبهه
سجاد بضحكه : والله هضميه مرتي تشمت بيه
الكل : ههههههههه..
بهل لحظه سمعنا صوت بيببي
_ ولكم ليش عايفين الباب مفتوح.
ابو لوجين : ولك صادق شوكت تكبر ليش ما سديت الباب..
صادق وهو يكوم : غير استقبل شكرية
أم لوجين : ولك احترم بيبيتك..
صادق بشقه : قابل مجذب غير هذا اسمها وتركت الباب يستقبلها حتى كبل تدخل ما تتعب..
محمد : شو قبل شوية عرفت هي جايه وراء نور منين هل الكلاوات
بيبي شكريه : السلام عليكم
الكل : وعليكم السلام
بيبي شكريه : يا بعد عمري تعالي لوجينه مشتاقتلج ولج كطعتي بيه
لوجين بابتسامه : هلا بيببي اشلونج يروحي والله اني هم مشتاقتلج
بيبي شكرية : يمه اني بخير اذا انتي بخير
لوجين : الله يحفظج النا.
بيبي شكريه : وينهم آمر ودمعه تعالوا خلي ابوسكم فدوه لهل وجهه
لوجين : بعد روحي
ام لوجين : شنو رائيكم بهل مناسبه وتجمعنا كلنا نروح باجر لنجف وكربلاء..
ابو لوجين : خير ان شاء الله نتوكل من الصبح حتى نزور موتنا والأمام علي ونتوكل لـ كربلاء
الكل : ان شاء الله
آمر برائه : بابا وين..
دموع : باباا
لوجين بابتسامه : بابا مسافر وانتم مو مشتاقين
لـ خوالوو
محمد : هاا ولكم بعتوناا
صادق : بيش الكيلو ان شاء الله
لوجين : هههههههه
أم لوجين : هلكد متعلقين بي
لوجين : آمر حتى مرات ينام يمه اما دمعه ما تقبل من تمرضت لسه الا وياي..
بس حيل يحبوا من يجي للبيت يبقون وياه وهم من يطلع ياخذهم وياه..
ابو لوجين : الله يحفظه الهم يعوضهم عن حنان الاب...
لوجين : ان شاء الله
نور وتسحب لوجين من ايدها : تعالي ولج مشتاقتلج..
لوجين : هههههههه..
دخلنا للغرفة..
نور : يي سولفلي شخبارج
لوجين : ولله الحمد لله انتي سولفلي شنو هل تطورات شوكت واشلون..
نور بفرحه : صار فتره يقنع باهله بعد معاناه قبلوا بس امة الان ما مقتنعه..
بس صارت بعد أمام الأمر الواقع..
كون تشوفين فرحته من اجوا قروا الفاتحه
ما مصدك يضحك للهوى فدوه لطوله..
دخل للصالة اعيونه مدمعه والفرحه ما واسعته
شالني اكبال امي ويفتر بيه يكلي ممصدك واخيرا صرتي إليه..
حلم الطفوله انتي واخيرا تتحقق..
أنت تقرأ
آمر لوجين
General Fictionماذا لو اجتمع في مكان واحد.. الحب والموت الزواج والطلاق الثقة والخيانه تملك والكره تمسك والانفصال فـ من يخسر؟! "هل القلب ينبض بعد الموت" "وماذا يحصل بعد گسر الثقة والخيانه" " من هو أقوى الكره ام التملك" والى اي طرف تشد الأحداث كل هذا سنعرفه في م...
